Locations
Surxondaryo viloyatida ijtimoiy himoyaga muhtoj aholi, jumladan, afg‘on fuqarolarining o‘zini-o‘zi band qilish orqali mintaqada iqtisodiy faollikni rag‘batlantirish
Mazkur loyiha O‘zbekistonning Surxondaryo viloyatidagi ijtimoiy himoyaga muhtoj qatlamlarni, jumladan, Afg‘oniston fuqarolari va kam ta’minlangan mahalliy oilalarni barqaror daromad manbalari bilan ta’minlash hamda kambag‘allikni qisqartirishga yo‘naltirilgan. Loyiha mehnat bozori talablariga mos kasb-hunar o‘rganish imkoniyatlarini kengaytirish, tadbirkorlikni rivojlantirish hamda mahalliy va transchegaraviy bozorlarga integratsiyalashuvga ko‘maklashish orqali aholining o‘zini o‘zi ta’minlashi va inklyuziv o‘sishni rag‘batlantiradi.
Termiz shahridagi Afg‘oniston fuqarolarini o‘qitish ta’lim markazini (ECTAC) modernizatsiya qilish hamda Termiz xalqaro savdo markazidagi qo‘shimcha tadbirlar orqali loyiha qishloq xo‘jaligi, axborot texnologiyalari, muhandislik va sog‘liqni saqlash kabi sohalarda amaliy ko‘nikmalar berish bilan bir qatorda, maxsus biznesni rivojlantirish xizmatlari va ishlab chiqarish aktivlaridan foydalanish imkoniyatini taqdim etadi. Ushbu tashabbus ayollar va yoshlarga ustuvor ahamiyat qaratgan holda, nozik chegaraoldi hududida ijtimoiy hamjihatlikni mustahkamlashga xizmat qiladi hamda Barqaror rivojlanish maqsadlariga, xususan, munosib ish o‘rinlari va iqtisodiy o‘sish, sifatli ta’lim hamda gender tengligi yo‘nalishlariga hissa qo‘shadi.
Asosiy maqsadlar:
- Ijtimoiy himoyaga muhtoj afg‘on va o‘zbek ayollar, erkaklar hamda yoshlar uchun mehnat bozori talablariga mos, sifatli texnik va kasb-hunar ta’limi imkoniyatlarini kengaytirish, ularning bandligini oshirish va o‘zini o‘zi band qilish istiqbollarini yaxshilash.
- Surxondaryo viloyati va unga tutash hududlarda mehnat bozori ehtiyojlariga mos keluvchi yangilangan infratuzilma, raqamli ta’lim platformalari va akkreditatsiyadan o‘tgan o‘quv dasturlari orqali ECTACni ilg‘or tajriba markazi sifatida modernizatsiya qilish va to‘liq faoliyat yuritishini ta’minlash.
- Ijtimoiy himoyaga muhtoj guruhlarning tadbirkorlik salohiyatini rivojlantirish maqsadida tizimli biznes ta’limi, mentorlik, inkubatsiya dasturlari va ilg‘or tajribalar bilan tanishtirishni ta’minlash, jumladan “Bir qishloq — bir mahsulot” (OVOP) metodologiyasini moslashtirish orqali.
- Startaplar va kichik korxonalar uchun ishlab chiqarish vositalari hamda biznes xizmatlaridan foydalanish imkoniyatlarini kengaytirish orqali ularning unumdorligini, mahsulot sifati va mahalliy hamda transchegaraviy qiymat zanjirlariga kirish imkoniyatlarini oshirish.
- Afg‘on aholisi va qabul qiluvchi mahalliy hamjamiyatlar orasida iqtisodiy cheklanishni kamaytirish, shuningdek ayollar va yoshlar uchun munosib daromad manbalarini kengaytirish orqali ijtimoiy hamjihatlik va barqarorlikni mustahkamlash.
Kutilayotgan natijalar:
Ta’lim va o‘quv infratuzilmasining yaxshilanishi
ECTACning kompleks modernizatsiyasi, jumladan to‘rtta STEM laboratoriya, issiqxona laboratoriyasi hamda nazorat qilinadigan muhitga ega saqlash inshootining tashkil etilishi orqali yuqori sifatli amaliy ta’limni ta’minlash.
Inklyuziv, xavfsiz va genderga sezgir o‘quv muhitini yaratish.
2. Mehnat bozorida talab etiladigan ko‘nikmalarga kirish imkoniyatining kengayishi
O‘zbekistonda yashovchi 700 nafar afg‘on va o‘zbek aholisi hamda Afg‘onistondan 50 nafar fuqaro tomonidan Termiz xalqaro savdo markazi (AIRITOM)da qisqa muddatli o‘quv dasturlari orqali sertifikatlangan TVET dasturlarini tamomlash.
Bitiruvchilarning kamida 70 foizi o‘zlashtirilgan ko‘nikmalarni ish bilan bandlik yoki o‘zini o‘zi band qilish orqali amaliyotda qo‘llashi.
3. Tadbirkorlik salohiyati va biznesga tayyorgarlikning kuchayishi
3 000 nafar ishtirokchi tadbirkorlik va biznes-inkubatsiya bo‘yicha tizimli dasturlarni yakunlaydi.
200 nafar ishtirokchi mahalliy korxonalarda haq to‘lanadigan amaliyot (stajirovka) o‘tab, o‘z bandlik imkoniyatlari va amaliy tajribasini oshiradi.
80 nafar tadbirkor “Bir qishloq — bir mahsulot” (OVOP) seminarlarida va mintaqaviy o‘quv safarlarida ishtirok etib, mahsulot ishlab chiqish va bozorga chiqish bo‘yicha ilg‘or bilimlarga ega bo‘ladi.
O‘qitilgan ishtirokchilarning kamida 70 foizi daromad keltiruvchi faoliyatni boshlaydi yoki kengaytiradi.
4. Ishlab chiqarish vositalaridan foydalanish imkoniyatining yaxshilanishi
100 ta guruh startaplari uchun kichik va o‘rta hajmdagi uskunalar bilan ta’minlash.
200 nafar individual tadbirkorga biznesni rivojlantirishni qo‘llab-quvvatlash maqsadida uskunalar to‘plamlarini taqdim etish.
Qo‘llab-quvvatlangan tadbirkorlarning kamida 80 foizi 6–12 oy ichida daromadlari oshganini bildiradi.
5. Ijtimoiy-iqtisodiy barqarorlik va ijtimoiy hamjihatlikning mustahkamlanishi
Ayollar, yoshlar va ijtimoiy himoyaga muhtoj xonadonlar o‘rtasida iqtisodiy faollikning oshishi.
Mahalliy rivojlanish imkoniyatlarining kengayishi orqali kambag‘allikning kamayishi va jamiyat barqarorligining yaxshilanishi.
Afg‘on va o‘zbek hamjamiyatlari o‘rtasida tinch va konstruktiv hamkorlikni qo‘llab-quvvatlash.
