Beekeepers

Oʻzbekiston

Bizning e’tiborimiz

Oʻzbekiston va BMTTD harakatda

Birlashgan Millatlar Tashkilotining Taraqqiyot dasturi (BMTTD) O‘zbekiston xalqi va hukumati bilan 1993-yilda, ya’ni mamlakat mustaqilligi e’lon qilinganidan so‘ng bor-yo‘g‘i ikki yil o‘tgach hamkorlik o‘rnatgan bo‘lib, o‘tgan yillar davomida respublikaning rivojlanish sohasidagi keng ko‘lamli maqsadlarini qo‘llab-quvvatlab kelmoqda. 2021-2025-yillarga mo‘ljallangan Mamlakat dasturi hujjatida ta’kidlanganidek, joriy ustuvor yo‘nalishlar barqaror rivojlanishning keng qamrovli rejasi, jumladan, 17 ta Barqaror rivojlanish maqsadlari (BRM) keltirilgan 2030-yilgacha bo‘lgan davrdagi Barqaror rivojlanish kun tartibiga asoslanadi va u bilan muvofiqlashtirilgan. Asosiy yo‘nalishlarimiz O‘zbekistonning 2022-2026-yillarga mo‘ljallangan Taraqqiyot strategiyasi bilan chambarchas bog‘liq bo‘lib, samarali demokratik boshqaruvni targ‘ib qilish, inklyuziv va barqaror o‘sishga erishish, atrof-muhitni toza saqlash, iqlim o‘zgarishiga qarshi kurashish, erkaklar bilan ayollar o‘rtasidagi tenglikni ilgari surish dasturlarini o‘z ichiga oladi.

 

 Faoliyatimiz

Raqamlashtirish, innovatsiyalar va rivojlanishni moliyalashtirishga asoslangan oʻziga xos kompleks yechimlarimiz Oʻzbekistonda taʼsir va miqyos darajasi kengayishini qay tarzda jadallashtirayotganini bilib oling.

 

Samarali boshqaruv

BMTTDning Oʻzbekistondagi vakolatxonasi inklyuziv davlat institutlari va qonunchilik rivojlanishini targʻib qiladigan, ayollar bilan erkaklar markaziy va mahalliy darajadagi qarorlarni qabul qilishda teng ishtirok etishi hamda hech kimni ortda qoldirmagan holda odil sudlov va davlat xizmatlaridan teng foydalanish imkoniyatini taqdim etish uchun inson huquqlari taʼminlanishiga asoslangan qulay muhitni shakllantirishni maqsad qilgan hukumat tashabbuslarini qoʻllab-quvvatlashga asosiy eʼtibor qaratadi. Maqsadimiz - qonun ustuvorligiga asoslangan inklyuziv, tinch, xavfsiz va yaxlit jamiyat yaratilishini kafolatlash. Bunga erishish uchun inklyuziv muloqot, kelishuvga erishish va har bir insonning o‘sishiga hamda milliy taraqqiyotga hissa qo‘shishiga ko‘maklashuvchi, javobgarlik hissi yuqori bo‘lgan institutlarni mustahkamlashni targʻib qilamiz va mazkur masalalarda maslahat beramiz.

Batafsil ma’lumot
Inklyuziv va barqaror oʻsish

BMTTDning Oʻzbekiston Respublikasida iqtisodiy rivojlanishni jadallashtirish borasidagi faoliyati mamlakat bosqichma-bosqich iqtisodiy oʻtish jarayonini davom ettirayotgan muhim bir davrga toʻgʻri kelmoqda. BMTTDning Oʻzbekistondagi vakolatxonasi qashshoqlik va koʻp oʻlchamli tengsizlik muammolarini tushunish va ularni hal etishda yangi yondashuvlarni ilgari surish, shu bilan birga, barqaror rivojlanish sohasidagi milliy maqsadlarga mos keladigan siyosat uygʻunligi va rivojlanishni moliyalashtirish mexanizmlarini shakllantirish hamda ayollar va yoshlarning ijtimoiy-iqtisodiy imkoniyatlarini mamlakat farovonligi yoʻlida kengaytirish tamoyillariga sodiq.

Batafsil maʼlumot
Atrof-muhit va iqlim oʻzgarishiga qarshi kurashish

Oʻzbekistonda aholi sonining oʻsishi va urbanizatsiya jarayoni tabiiy resurslardan yanada oqilona foydalanish hamda isteʼmol va ishlab chiqarishning ekologik barqaror boʻlmagan modellaridan voz kechishni talab qiladi. Mamlakat iqlim oʻzgarishi oqibatlari oldida ayniqsa himoyasizligi bois yangi voqelikka moslashgan holda sanoat, qishloq xoʻjaligi va transport sohalarini karbonsizlantirish zarur. BMTTD hukumatni iqlim oʻzgarishi va ofatlar oldidagi chidamlilikni oshirish va tabiiy resurslardan barqaror, gender jihatlar hisobga olingan holda foydalanish va ularni samarali boshqarish, inklyuziv ekologik boshqaruv va atrof-muhitni muhofaza qilishdan maksimal darajada foydalanish yoʻlida qoʻllab-quvvatlaydi.

Batafsil maʼlumot
Gender tengligi

BMTTD gender tengligi hamda xotin-qizlar huquq va imkoniyatlarini kengaytirish barqaror rivojlanishga erishish yoʻlida muhim ahamiyatga ega ekanini tan oladi. Gender tengligi - tinch, farovon va barqaror dunyo uchun asos boʻladigan inson huquqlaridan biridir. U 2030-yilgacha boʻlgan davrda barqaror rivojlanish kun tartibining asosiy tarkibiy qismi boʻlib, Barqaror rivojlanish maqsadlarining 45 ta maqsadli va 54 ta genderga xos koʻrsatkichlarida oʻz aksini topgan. Gender tengligiga erishish va gender tafovutlarini tugatish barcha BRMlar kesimida multiplikator effektini yaratadi va ularga erishishni jadallashtiradi.

Batafsil maʼlumot