Ma'lumotlarni samarali xizmatlarga aylantirish: Yevropa Ittifoqi va UNDP O'zbekistonda Davlat xizmatchilari uchun ilg'or trening tashkil qildi

3-July, 2026

Woman with glasses speaks into a microphone at a round table with flags. — Foto: UNDP O‘zbekiston

TOSHKENT, O'zbekiston, 2-iyul 2026 – “O'zbekistonda ma'lumotlarga asoslangan fuqarolik xizmati metodologiyasini joriy etish va moslashtirish” ga bag'ishlangan ixtisoslashtirilgan o'quv dasturi bugun boshlandi. Tadbir Yevropa Ittifoqi tomonidan moliyalashtirilayotgan hamda BMT Taraqqiyot Dasturi va O‘zbekiston Respublikasi Adliya vazirligi tomonidan amalga oshirilayotgan “O‘zbekistonda davlat xizmatlari ko‘rsatishni yanada takomillashtirish” loyihasi doirasida tashkil etildi.
O'zbekiston raqamli transformatsiyani davom ettirar ekan, davlat muassasalari tobora ko'payib borayotgan ma'muriy va xizmat ko'rsatish ma'lumotlarini to'plamoqda. Keyingi qadam ushbu ma'lumotlardan muammolarni aniqlash, faoliyatni yaxshilash va fuqarolarga yanada moslashuvchan xizmatlarni loyihalash uchun samarali foydalanishni ta'minlashdan iborat.
Dastur davomida ishtirokchilar ma'lumotlarga asoslangan davlat boshqaruvi qurishning amaliy yondashuvlarini o'rganadilar. Mashg'ulotlar ma'lumotlar sifati va boshqaruvi, samaradorlik ko'rsatkichlari va asosiy faoliyat mezonlari, ma'lumotlarni vizualizatsiya qilish va boshqaruv panellarini ishlab chiqish, shuningdek, dalillarga asoslangan qarorlar qabul qilish orqali davlat sektori samaradorligini oshirishning innovatsion usullari mavzulariga bag'ishlanadi.

Photo: five men in suits sit at a conference table with blue banners and logos behind them.

Photo: conference room with attendees at tables facing a presenter on a screen.

Treningda ishtirokchilar, shuningdek, muassasalardagi to'siqlarni aniqlash, kichik ko'lamdagi takomillashtirishlarni sinab ko'rish hamda siyosat va ma'muriy jarayonlarni takomillashtirishda dalillardan foydalanishning amaliy vositalarini o'rganadilar. Amaliy keyslar va guruhli mashqlar orqali ishtirokchilar xizmat ko'rsatish sifati va tashkiliy samaradorlikni oshirish maqsadida ma'lumotlarga asoslangan yondashuvlarni o'z muassasalarida qanday qo'llash mumkinligini namoyish etuvchi harakat kontseptsiyalarini ishlab chiqadilar.

"Zamonaviy davlat boshqaruvini shakllantirish raqamli tizimlardan ko'proq narsani talab qiladi — u ma'lumotlarni fuqarolar uchun yanada samarali qarorlar va xizmatlarga aylantirish qobiliyatini ham talab qiladi. Yevropa Ittifoqi O'zbekistonning dalillarga asoslangan boshqaruvni mustahkamlash, davlat muassasalari samaradorligi, shaffofligi va moslashuvchanligini oshirishga qaratilgan sa'y-harakatlarini qo'llab-quvvatlashdan faxrlanadi," — dedi Yevropa Ittifoqining O‘zbekistondagi Delegatsiyasi Hamkorlik bo‘limi rahbari Kristos Marazopulos.

Dasturda amaliy tatbiqqa alohida e'tibor qaratiladi. Ishtirokchilar namunaviy ma'lumotlar to'plamlari bilan ishlaydi, boshqaruv paneli kontseptsiyalarini ishlab chiqadi, xizmat ko'rsatishdagi muammolarni tahlil qiladi va ma'lumotlarga asoslangan fuqarolik xizmati metodologiyasini o'zbek kontekstiga moslashtirishga doir takliflar tayyorlaydi.

Group of people seated around a long white-tablecloth conference table in a bright room with a window view.

Photo of a man in a light polo at a conference table with flags and headsets.

Photograph: group of people seated at white-tablecloth tables in a bright restaurant

Two people at a conference table with flags and headsets, mountains visible through window.

"Ma'lumotlar davlat muassasalarining fuqarolar ehtiyojlarini tushunish va ularga munosib tarzda javob berish qobiliyatini sezilarli darajada yaxshilash imkoniyatiga ega. Davlat xizmatchilarining tahliliy va innovatsion salohiyatini mustahkamlash orqali biz fuqarolarga yo'naltirilgan, samarali va moslashuvchan davlat boshqaruvini barpo etishga hissa qo'shmoqdamiz," — dedi BMT Taraqqiyot Dasturining O‘zbekistondagi doimiy vakilasi Akiko Fujii.

Treningning yakunida ishtirokchilar o'z tashkilotlarida yanada rivojlantirilishi mumkin bo'lgan muassasa harakat kontseptsiyalari va pilot tashabbuslari bilan chiqish qiladilar. Ushbu tashabbus O'zbekistonning keng qamrovli davlat boshqaruvi islohotlariga hissa qo'shadi va dalillarga asoslangan boshqaruv orqali xizmat sifati, hisobdorlik hamda fuqarolar qoniqishini oshirishga qaratilgan milliy sa'y-harakatlarni qo'llab-quvvatlaydi.

Man in white polo speaks into a microphone at a conference table with flags.

Photograph of people seated around a U-shaped table with blue flags at a formal meeting.

Ma’lumot uchun:

“O‘zbekistonda davlat xizmatlari ko‘rsatishni yanada takomillashtirish” loyihasi Yevropa Ittifoqi tomonidan moliyalashtirilgan va BMT Taraqqiyot Dasturi tomonidan amalga oshirilmoqda, Umumiy byudjeti 4,900,000 evroni tashkil etadigan mazkur loyiha 2024-2029 yillar davomida amalga oshirilib, qishloq hududlarda davlat xizmatlaridan foydalanish imkoniyatining cheklanganligi, raqamlashtirish darajasining yuqori emasligi va eskirgan institutsional tizim kabi asosiy muammolarni yechishga qaratialdi. Ushbu natijalarga quyidagi to‘rtta asosiy yo‘nalish orqali erishiladi:

Davlat xizmatlarini ko‘rsatish tizimining “bek-ofis”ini ta’minlovchi institutsional, huquqiy va me’yoriy bazani isloh qilish.
Bek-ofis muassasalarining milliy, hududiy va mahalliy darajalarda samarali faoliyat yuritish salohiyatini oshirish.
Bek-ofis muassasalarining raqamli va foydalanuvchiga yo‘naltirilgan transformatsiyasini tezlashtirish.
Hududiy va mahalliy institutlarning tezkorligi, mas’uliyati va bek-ofis sifatida faoliyat yuritishini yaxshilash uchun mahalliy boshqaruv tizimlarini o’zgartirish.

Loyiha O‘zbekistonning islohotlar dasturini qo‘llab-quvvatlaydi hamda Barqaror rivojlanish maqsadlari (BRM)ga, jumladan BRM 16 – kuchli institutlar va BRM 9 – innovatsiya va infratuzilma maqsadlarini amalga oshirishga xizmat qiladi. 2029 yilgacha tashabbus doirasida 11 ta institutsional tahlil o‘tkazish, 1 000 nafar davlat xizmatchisi malakasini inkyuzivlik va fuqarolarda yo‘naltirilgan xizmat ko‘rsatish bo‘yicha oshirish, 35 ta xizmatni raqamlashtirish, 34 ta mahallada o‘z-o‘ziga xizmat ko‘rsatish zonasini yaratish ko‘zda tutilmoqda. Ushbu keng qamrovli islohotlar aholining samarali, shaffof va inklyuziv davlat xizmatlaridan foydalanish imkoniyatini sezilarli darajada oshiradi.

Yevropa Ittifoqi haqida: Yevropa Ittifoqi - bu Yevropa 27 mamlakatining iqtisodiy va siyosiy ittifoqi. U inson qadr-qimmatini hurmat qilish, erkinlik, demokratiya, tenglik, qonun ustuvorligi va inson huquqlarini, shu jumladan ozchiliklarga mansub shaxslarning huquqlarini hurmat qilish qadriyatlariga asoslanadi. U jamiyat, atrof-muhit va iqtisodiyotning barqaror rivojlanishiga koʻmaklashish maqsadida har kimning foydasi uchun global miqyosda harakat qiladi.