მიმოხილვა

მშვიდობისა და განვითარების პროგრამა, რომელსაც გაეროს განვითარების პროგრამის (UNDP) საქართველოს წარმომადგენლობა მასპინძლობს, მხარს უჭერს კონფლიქტის მგრძნობელობის, კრიზისების მიმართ მზადყოფნისა და მშვიდობის მშენებლობის დღის წესრიგის სათანადო გათვალისწინებასა და ინტეგრირებას გაეროს სააგენტოების საქმიანობაში.

პოლიტიკური ანალიზის, სტრატეგიული რჩევებისა და ტექნიკური ექსპერტიზის მეშვეობით, მშვიდობისა და განვითარების პროგრამა ეხმარება გაეროს სააგენტოებს, სათანადოდ შეაფასონ არსებული რისკები, დაგეგმონ შესაბამისი სტრატეგია და მეტი ეფექტიანობით განახორციელონ თავისი საქმიანობა, რომელიც კონფლიქტის მგრძნობელობის გაზრდასა და მშვიდობის მშენებლობას ემსახურება.

ძირითადი აქტივობები

• ინფორმირებული პოლიტიკური ანალიზი: პოლიტიკისა და კონფლიქტების ანალიზის უზრუნველყოფა გაეროს მუდმივი კოორდინატორისა და გაეროს ქვეყნის გუნდის სტრატეგიული პოზიციონირების, გადაწყვეტილების მიღებისა და პროგრამების ინფორმირების მიზნით.
• გაეროს მდგრადი განვითარების თანამშრომლობის ჩარჩოს (UNSDCF) განხორციელების მხარდაჭერა: სტრატეგიული ანალიზი, ერთობლივი პროგრამების ხელშეწყობა და კონფლიქტის მგრძნობელობისა და მშვიდობის მშენებლობის ინტეგრირება გაეროს საქმიანობაში.
• პარტნიორობა მშვიდობისა და განვითარებისთვის: დაინტერესებულ მხარეთა შორის თანამშრომლობის გაძლიერება, დიალოგისა და ნდობის აღდგენის ინიციატივების მხარდაჭერა, სამოქალაქო საზოგადოების ჩართულობის უზრუნველყოფა და საერთაშორისო პარტნიორობის მობილიზება მშვიდობის მშენებლობისა და განვითარების ინოვაციური ინიციატივების ხელშეწყობის მიზნით.