საქართველო

ჩვენი საქმიანობა

საქართველო და UNDP

განვითარება იცვლება. ჩვენც ვიცვლებით მასთან ერთად.

ჩვენი სტრატეგიული გეგმა 2022-2025 განსაზღვრავს UNDP-ის წინსვლას მომავლის მიმართ გონივრული განვითარებისკენ, #FutureSmartUNDP. ეს ჩვენი ახალი ხედვაა, რომელიც ჩვენ ორგანიზაციულ მისწრაფებებს ეხმიანება და 170 ქვეყანაში მუშაობის 50-წლიან გამოცდილებას ეყრდნობა. ჩვენი მიზანია გავაფართოვოთ ადამინების შესაძლებლობები და ერთად მივაღწიოთ უფრო სამართლიან და მდგრად განვითარებას, რომელიც ადამიანისა და პლანეტის ინტერესებს წონასწორობაში მოიყვანს.

 

ჩვენი საქმიანობა

გადაწყვეტები, რომელსაც UNDP თავის საქმიანობაში იყენებს, ახალ ხედვებს, დიგიტალიზაციას, ინოვაციასა და ფინანსირების ახალ გზებს ეყრდნობა. ამ მიდგომის მიზანია საქართველოს მდგრადი განვითარების ხელშეწყობა და მისი ეფექტიანობისა და ტემპის გაზრდა.

დემოკრატიული მმართველობა და ინსტიტუციური განვითარება

UNDP ხელს უწყობს დემოკრატიული მმართველობის პრინციპების დანერგვას ყველა დონეზე. ჩვენ ხელს ვუწყობთ დემოკრატიული ინსტიტუტების გაძლიერებას და გადაწყვეტილების მიღების პროცესში მოქალაქეთა ჩართულობის გაზრდას. მხარს ვუჭერთ გენდერულად მგრძნობიარე პოლიტიკას, სოციალურ თანასწორობას, კანონის უზენაესობას, მედიის თავისუფლებას და ადამიანის უფლებათა და თავისუფლებათა დაცვას.

გაიგეთ მეტი
კლიმატგონივრული განვითარება

საქართველოში კლიმატის ცვლილება ყველგან იგრძნობა და მნიშვნელოვან გავლენას ახდენს ქვეყნის განვითარებაზე. გაეროს განვითარების პროგრამა კლიმატის ცვლილებასთან ბრძოლის წინა ხაზზეა. ჩვენი მიზანია, ხელი შევუწყოთ კლიმატის ცვლილებასთან ადაპტაციას, შევარბილოთ მისი ყველაზე მძიმე შედეგები და დავეხმაროთ საქართველოს გადადგას გაბედული ნაბიჯები კლიმატგონივრული მომავლისკენ.

გაიგეთ მეტი
გენდერული თანასწორობა

საქართველომ მნიშვნელოვანი ნაბიჯები გადადგა გენდერული თანასწორობის მისაღწევად. თუმცა, ამ წარმატებას ჩრდილავს ჯერ კიდევ არსებული გამოწვევები, რომლებიც ქალთა პოლიტიკურ მონაწილეობასა და ეკონომიკურ გაძლიერებას უკავშირდება. საქართველოში ქალები კვლავ ძალადობასა და დისკრიმინაციას განიცდიან, ხოლო მოძველებული გენდერული სტერეოტიპები ზღუდავს მათ წვდომას რესურსებსა და შესაძლებლობებზე. გაეროს განვითარების პროგრამა ეხმარება საქართველოს დანერგოს გენდერული თანასწორობის პრინციპები ცხოვრების ყველა სფეროში და მიაღწიოს თანასწორ ეკონომიკურ განვითარებას, რომელიც ქალებსა და კაცებს თანაბარ სარგებელს მოუტანს.

გაიგეთ მეტი
სიღარიბის დაძლევა და ეკონომიკური განვითარება

ჩვენ ვებრძვით სიღარიბეს და ხელს ვუწყობთ ღირსეულ დასაქმებას და რესურსებსა და სერვისებზე თანაბარი ხელმისაწვდომობის უზრუნველყოფას. ჩვენი მიდგომა სიღარიბის აღმოფხვრის მიმართ UNDP-ის საქმიანობის ყველა სფეროზე აისახება, ეკონომიკური განვითარებიდან დემოკრატიული მმართველობის მხარდაჭერამდე.

გაიგეთ მეტი
კონფლიქტების პრევენცია და კონფლიქტის შემდგომი აღდგენა

ჩვენი მიზანია შევამციროთ კრიზისების საფრთხე და ხელი შევუწყოთ კონფლიქტის შემდგომ აღდგენას. ჩვენი მიდგომა ითვალისწინებს განვითარების სტრატეგიებში რისკების მართვის ინტეგრირებას და კონფლიქტით დაზარალებული ან რისკის ქვეშ მყოფი თემების უშუალო ხელშეწყობას.

გაიგეთ მეტი