მიმოხილვა

შვედეთის საერთაშორისო განვითარების თანამშრომლობის სააგენტოს (SIDA) მიერ დაფინანსებული პროექტი წარმოადგენს 7-წლიანი ფართომასშტაბიანი პროგრამის ნაწილს, რომელიც ხორციელდება გაეროს განვითარების პროგრამის მიერ (UNDP) კლიმატის მწვანე ფონდის (GCF), საქართველოს, შვეიცარიის და შვედეთის მთავრობების ფინანსური ხელშეწყობით. 

პროექტის მიზანია თემების მდგრადობის გაუმჯობესება თემზე დაფუძნებული ადრეული გაფრთხილების სისტემის და რისკის შემცირების პრიორიტეტული ქმედებების განხორციელების გზით.

რას ვაკეთებთ

პროექტი ემსახურება კლიმატის ცვლილებით გამოწვეული რისკების შესახებ ინფორმაციული დანაკლისის შევსებასა და თემზე დაფუძნებული კლიმატის რისკის მართვის/კლიმატის ცვლილების ადაპტაციის შესაძლებლობების გაძლიერებას შემდეგი აქტივობების მეშვეობით:

• 20 მოწყვლადი თემის ჩართვა თემზე დაფუძნებული კლიმატის რისკის მართვის პროცესებში (იმ 60 სამიზნე თემის გარდა, რომლებიც ერთიანი პროგრამით არის გათვალისწინებული);
• მაღალი რისკის ზონებში ორი სტრუქტურული რისკის შემცირების ღონისძიების იდენტიფიცირება, შემუშავება და განხორციელება (იმ 13 სტრუქტურული ღონისძიების გარდა, რომლებიც ერთიანი პროგრამის ფარგლებში ხორციელდება);
• 20 სამიზნე მოწყვლადი თემის ცნობიერების ამაღლება (იმ 60 სამიზნე თემის გარდა, რომლებიც ერთიანი პროგრამით არის გათვალისწინებული). 

შედეგები

• 200-ზე მეტმა ახალგაზრდამ მონაწილეობა მიიღო მწვანე ბანაკში “ახალგაზრდა კლიმატის ელჩები“.
• "მწვანე სტიპენდია" მიიღო 128 სტუდენტმა საქართველოს რვა უნივერსიტეტიდან, რომლებმაც სწავლა ეკოლოგიის, ჰიდროლოგიის, გეოლოგიის, ენერგეტიკისა და მინერალური რესურსების მართვის, გარემოს მდგრადი განვითარებისა და გარემოსდაცვითი პოლიტიკის შესწავლა სამაგისტრო პროგრამებზე განაგრძეს.
• გარემოსდაცვითი ინფორმაციისა და განათლების ცენტრთან ერთად, საინფორმაციო კამპანიები და საგანმანათლებლო საქმიანობა განხორციელდა საქართველოს 46 ადგილობრივ მუნიციპალიტეტში. ტრენინგები გაიარა 10,000-ზე მეტმა ადამიანმა. 
• განხორციელდა 7 ყოველწლიური სათემო ფორუმი კლიმატის ცვლილებასთან დაკავშირებულ საკითხებზე, კლიმატური მდგრადობის დიალოგისა და ადგილობრივი ინიციატივების ხელშესაწყობად.
• განხორციელდა ყოველწლიური კონკურსები მედიისთვის, სათემო ორგანიზაციებისა და საჯარო სკოლებისთვის კლიმატური ცნობიერებისა და ინოვაციების ხელშესაწყობად.