Gurluş taýdan özgerişikler. BMGÖM ösüşi kesgitleýän esasy ulgamlary we hökümetiň gurluşyny özgertmek üçin ýurtlar bilen hyzmatdaşlyk eder. Ösüş babatyndaky meseleleriň çözgüdini tapmak üçin hyzmatdaşlygy ýola goýmak, şeýle-de çylşyrymly meselelere degişli soraglary bermek we agyr söhbetdeşlikleri geçirmek gender deňliginiň we inklýuziýanyň esasynda ösüşi gazanmaga ýardam edýär. Şunuň bilen baglylykda, BMGÖM guramaçy we hyzmatlar, hem-de maksatnamalar bilen üpjün ediji bolup çykyş edip biler.

“Hiç kiminiň ünsden düşmezligini” üpjün etmek ýörelgesi hökümetleriň “ilki bilen ünsden düşenlere üns bermek” islegine jogapdyr, şeýle hem ol adam hukuklaryna, deňlik we diskriminasiýa ýörelgelerine esaslanýar. Bu strategiýa, mahrumlygyň, oňaýsyz ýagdaýyň we diskriminasiýanyň köp we kesişýän görnüşleriniň çözgüdini tapmaga ünsi jemleýär. Mysal üçin, jyns esasynda aýal-gyzlary kemsitmek tire-taýpa, millet, din ýa-da ynanç, saglyk, status, ýaş, dereje, kasta, jyns ugry we şahsyýet ýaly faktorlar bilen aýrylmaz baglanyşyklydyr [1]. Beýleki faktorlar şäherleşme, migrasiýa we göçmek, tebigy betbagtçylyklar we ýaragly çaknyşyklardyr.

Ýurtlara dürli töwekgelçilikleriň we krizisleriň öňüni almak, azaltmak we olara garşy göreşmek üçin mümkinçilikleri ösdürmäge ýardam etmek arkaly çydamlylygy ýokarlandyrmak. Bu, deň şertlerde we doly derejede, şol sanda karar bermek meselesine aýal-gyzlaryň gatnaşmagyna hem baglydyr. BMGÖM gurluş taýdan päsgelçilikleri azaltmak we şahsyýetleriň mümkinçiliklerini giňeltmek arkaly gender deňligi meselesini, durnuklylygy ýokarlandyrmak üçin edilýän tagallalaryň merkezinde goýýar.

[1] Aýallara garşy diskriminasiýanyň ähli görnüşlerini ýok etmek baradaky konwensiýa, 2-nji madda laýyklykda esasy gatnaşyjy döwletleriň borçlary barada umumy maslahat №. 28