2025-yil 18–23-avgust kunlari Chorkesar va Yangiobod aholisi biznes-rejalashtirish bo‘yicha treninglarda ishtirok etib, barqaror kelajak sari muhim qadam tashladilar. Treninglar “Markaziy Osiyoda uran merosini bartaraf etishda manfaatdor tomonlarni jalb qilish (III bosqich)” loyihasi doirasida tashkil etildi. Loyiha BMT Taraqqiyot Dasturi (UNDP) va YEXHT (OSCE) tomonidan Yevropa Ittifoqi moliyaviy ko‘magida amalga oshirilmoqda. Mazkur treningda 40 dan ortiq ishtirokchi, jumladan yoshlar, ayol-yetakchilari va tadbirkorlikka qiziqqan fuqarolar qatnashdi.

G‘oyadan amaliyotga

Trening davomida ishtirokchilar maqsad qo‘yish, rentabellikni baholash va biznes-reja tuzish bo‘yicha bilim oldilar. Eng muhimi, ular o‘z hamjamiyatlarining ehtiyoj va imkoniyatlariga asoslangan amaliy biznes g‘oyalarini ishlab chiqdilar.

“Bu trening menga quritilgan meva va boshqa mahsulotlarni qadoqlash haqidagi kichik g‘oyamni yirik biznesga aylantirish mumkinligini ko‘rsatdi”, — dedi Chorkesardan kelgan Joylobova Qamara. “Endi men rejalashtirish, xarajatlarni hisoblash va uzoq muddatli natijalar haqida o‘ylashni o‘rgandim”.

Keyingi qadamlar

Loyiha faqat trening bilan tugamaydi. 2025–2026 yillarda tanlangan biznes-rejalar uchun startap mablag‘lari ajratiladi. Bu tashabbuslar yangi ish o‘rinlarini yaratadi, mahalliy xizmatlarni yaxshilaydi va uran merosidan zarar ko‘rgan hududlarning barqarorligini mustahkamlaydi.

Ushbu tashabbus nima uchun muhim

Bunday treninglar:

• odamlarni amaliy ko‘nikmalar bilan quvvatlaydi;
• e’tibordan chetda qolgan hududlarda innovatsiyalarni rag‘batlantiradi;
• ekologik va iqtisodiy qiyinchiliklarga duch kelgan hududlarda barqarorlikni mustahkamlaydi.

Chorkesar uchun bu ayniqsa muhim: uzoq yillar davomida uran qazib olish oqibatida ekologiya va iqtisodiyot zarar ko‘rgan. Endi esa inson kapitaliga sarmoya qilish aholiga qaramlikdan mustaqillikka o‘tishga yordam bermoqda.

Kengroq maqsadlar

Ushbu tashabbus faqat biznes haqida emas:

• u jamoa va institutlar o‘rtasida ishonchni mustahkamlaydi;
• ayollar va yoshlar uchun inklyuziv rivojlanish imkoniyatlarini yaratadi;
• iqtisodiy faoliyatni barqaror rivojlanish va ekologik maqsadlar bilan uyg‘unlashtiradi.

Bu tashabbus nafaqat biznesni rivojlantirish, balki umid va yangi imkoniyatlarni qayta tiklash demakdir.