LocationsBirleşen Milletler Guramasynyň Ösüş Maksatnamasy (BMGÖM), Milli Derejede Kesgilenen Goşant (MDKG-3) atly resminamanyň täzelenen görnüşini taýýarlamak arkaly, Türkmenistana Howanyň üýtgemegine garşy göreşmek boýunça başlangyçlaryny berkitmäge ýardam berýär
September 12, 2025
Birleşen Milletler Guramasynyň Ösüş Maksatnamasy (BMGÖM), Milli Derejede Kesgilenen Goşant (MDKG-3) atly resminamanyň täzelenen görnüşini taýýarlamak arkaly, Türkmenistana Howanyň üýtgemegine garşy göreşmek boýunça başlangyçlaryny berkitmäge ýardam berýär
Aşgabat, 2025-nji ýylyň 12 sentýabry - Birleşen Milletler Guramasynyň Ösüş Maksatnamasy (BMGÖM), Türkmenistanyň Daşary işler ministrliginiň utgaşdyrmagynda we Daşky gurşawy goramak ministrliginiň ýardam bermeginde,Birleşen Milletler Guramasynyň Howanyň üýtgemegi baradaky çarçuwaly konwensiýasynyň (BMG-niň HYÜBÇK) we Howanyň üýtgemegi boýunça Parij ylalaşygynyň çäklerinde Milli Derejede Kesgitlenilýän Goşant (MDKG-3,0) atly resminamanyň täzelenen görnüşini taýýarlamak işlerine bagyşlanan Milli derejede iş duşuşygyny geçirdi.
Bu çäräniň esasy maksady, iş duşuşygyna gatnaşyjylary MDKG-3,0 täzelenen görnüşini taýýarlamagyň esasy usuliýeti, tapgyrlary we ugurlary bilen tanyşdyrmak hem-de bu ugurda ýüze çykan meseleleri ara alyp maslahatlaşmakdan ybarat boldy. Iş duşuşygyna döwlet edaralaryň, hakara guramalaryň we ylmy edaralaryň wekilleri gatnaşdylar.
Iş duşuşygynyň dowamynda, MDKG-3,0 tazelenen görnüşiniň düzümine girjek esasy ugurlary ara alnyp maslahatlaşyldy. Şol sanda resminamanyň düzümine girizmek meýilleşdirilýän parnik gazlarynyň zyňyndylaryny azaltmak, howanyň üýtgemegine uýgunlaşmak, biodülüligi goramak, topragyň şorlaşmagynyň öňüni almak, maliýeleşdiriş çeşmelerini anyk görkezmek bilen, howanyň üýtgemegine garşy göreşmek çärelerini maliýeleşdirmek meseleleri ara alyp maslahatlaşyldy. Bu resminamada, howanyň üýtgemegi bilen bagly çärelere hususy sektory çekmek hem-de ilatyň sosial ýagdaýlaryny gowulandyrmak bilen bagly çärelere aýratyn üns berildi.
“Milli Dereje-de Kesgitlenýän Goşant atly resminamany taýýarlamak – bu diňe Howanyň üýtgemegi boýunça Parij ylalaşygyndan gelip çykýan halkara borçnamalary ýerine ýetirmek bolman, eýsem bu durnukly ösüşi üpjin etmek, ýaşyl ykdysadyýeti ösdürmek, howany durnuklaşdyrmak meselelerinde uzak mňhletleýin strategiki meilnamanyň düýbini tutmak bolup durýar” – diýip, Farhat Orunow Birleşen Milletler Guramasynyň Ösüş Maksatnamasynyň Türkmenistandaky Wekilhanasynyň ekologiýa, klimat boýunça müdürliginiň ýolbaşçysy, habar berdi. “BMGÖM-si, bu çäreleri,howanyň üýtgemegi babatynda Türkmenistanyň mümkinçiliklerini berkitmek, bütindünýä derejesinde başlangyçlaryň goldanylmagyny wajyp hasap edýär. Biz, bu çäräniň döwlet edaralarynyň, jemgyýetçilik guramalarynyň, ylmy edalaryň wekillerini hem-de hususy sektorynyň wekillerini bir ýere jemländigine we olaryň pikirini birikdirendigine, aýratyn baha berýäris”.
Milli Derejede Kesgitlenilýän Goşant (MDKG), Howanyň üýgemegi boýunça Parij ylalaşygynyň esasy resminamasydyr we bu ylalaşygynyň uzak möhletleýin maksatlaryna ýetmek üçin wajyp guralydyr.
MDKG, Türkmenistanyň parnik gazlarynyň daşky gurşawa zyňylýan mukdaryny azaltmak we howanyň üýtgemegine uýgunlaşmak boýunça Türkmenistanyň tagallalaryny görkezýär. BMGÖM-niň “Howa boýunça ýardam bermek 2” atly bütindünýa başlangyjyň çäklerinde, BMGÖM-sy, MDKG atly resminamanyň täzelenen görnüşini taýýarlamakda Türkmenistana ýardam berýär.
BMGÖM-niň “Howa boýunça ýardam bermek 2” atly bütindünýa başlangyjyň çäklerinde, BMGÖM-sy MDLG atly resminamanyň hereket edýän görnüşini goşmaça seljermäge ýardam berdi. Bu bolsa resminamany kämilleşdirmäge we Türkmenistanyň parnik gazlarynyň zyňyndylaryny azaltmak babatdaky mümkinçiliklerini anyklamaga ýardam berdi.
Related
content
content
