Төслийн үндэслэл

Газар ашиглалт, хөдөө аж ахуйн салбарын уур амьсгалын өөрчлөлттэй холбоотой зорилтуудыг хэрэгжүүлэхийн тулд хүнс, хөдөө аж ахуйн тогтолцоонд иж бүрэн өөрчлөлт хийх шаардлагатай. Үүний тулд уур амьсгалын өөрчлөлтийн эсрэг үр нөлөө бүхий арга хэмжээг тодорхойлохдоо салбар хоорондын уялдаа холбоог хангасан, жендэрийн мэдрэмжтэй, хүртээмжтэй арга барилыг хэрэгжүүлэхийн зэрэгцээ төр, хувийн хэвшлийн оролцоо, санхүүжилтийг дайчлах шаардлагатай. СКАЛА төсөл нь Африк, Ази, Латин Америкийн 12 улсад хэрэгжиж, төрийн байгууллага, иргэний нийгэм, хувийн хэвшил, эрдэм шинжилгээ, судалгааны байгууллагуудтай хамтран ажилладаг. Төслийг ХБНГУ-ын Байгаль орчин, уур амьсгалын арга хэмжээ, байгаль хамгаалал, цөмийн аюулгүй байдлын яам (BMUKN) санхүүжүүлж, НҮБ-ын Хөгжлийн хөтөлбөр (НҮБХХ) болон НҮБ-ын Хүнс, хөдөө аж ахуйн байгууллага (НҮБХХАБ) хамтран хэрэгжүүлдэг. СКАЛА нь 2015–2018 онд хэрэгжсэн Үндэсний дасан зохицох төлөвлөгөөний амжилт, ололтод тулгуурлан хэрэгжиж байна.

Зорилго

Үндэсний тодорхойлсон хувь нэмэр (ҮТХН) болон Үндэсний Дасан Зохицох Төлөвлөгөөний зорилтыг хөдөө аж ахуй, газар ашиглалтын салбарт ахиулахад дэмжлэг үзүүлэх (СКАЛА) нь түнш 12 улсад газар ашиглалт, хөдөө аж ахуйн салбарт уур амьсгалын өөрчлөлтийн эсрэг үр нөлөө бүхий, тогтолцооны шинжтэй арга хэмжээг хэрэгжүүлэхэд дэмжлэг үзүүлж, хүлэмжийн хийн ялгарлыг бууруулах, шингээлтийг нэмэгдүүлэх, уур амьсгалын өөрчлөлтөд тэсвэртэй байдал болон дасан зохицох чадавхыг бэхжүүлэхэд чиглэнэ.