“Эхний үе шатны ололт амжилтыг БНСУ-ын Ерөнхийлөгч И Жэ Мёнгийн саяхан Монгол Улсад төрийн айлчлалын үеэр байгуулсан БНСУ, Монгол Улсын Стратегийн түншлэлийг бэхжүүлэх тухай Хамтарсан тунхаглал-д тусгаснаар хамгийн өндөр түвшинд үнэлэн хүлээн зөвшөөрсөн. Энэ нь манай хамтын ажиллагаа ямар үр дүнд хүрснийг илтгэж байна” гэж Монгол дахь Суурин төлөөлөгч Жу Хэйн Нан онцлон тэмдэглэв. Мөн тэрбээр, энэхүү ахиц дэвшилд тулгуурлан хэрэгжих хоёр дахь үе шат нь орон нутгийн түвшин дэхь дэмжлэгээ өргөжүүлж, илүү олон залуусыг чадавхжуулах замаар улам их үр нөлөө үзүүлнэ гэдэгт найдаж байна. Мөн БНСУ-ын ардчилсан засаглалын туршлагыг хуваалцах замаар Бүгд Найрамдах Солонгос Улс, Монгол Улсын стратегийн түншлэлийг улам бэхжүүлэх гүүр болно гэдэгт итгэлтэй байна” гэлээ. 

Төсөл нь манлайллын чадавхыг бэхжүүлэх, хууль эрх зүй болон бодлогын шинэчлэлийг дэмжих, улс төрийн намуудад жендэрийн мэдрэмжтэй хандлагыг төлөвшүүлэх, мөн тэгш оролцоо, төлөөллийн талаарх олон нийтийн ойлголт, мэдлэгийг нэмэгдүүлэхэд чиглэн хэрэгжих юм. Тодруулбал, төсөл нь сургалт, зөвлөн чиглүүлэх хөтөлбөр (менторшип), тэтгэлэгт хөтөлбөр болон сүлжээ бий болгох замаар эмэгтэйчүүд, залуучуудын манлайллыг бэхжүүлэх,  тэгш оролцоо, төлөөллийг дэмжих,  институцийн болон хууль эрх зүйн шинэчлэлийг дэмжих,  олон нийтийн ойлголт мэдлэгийг нэмэгдүүлэх, хэвлэл мэдээллийн байгууллага, судалгаа шинжилгээний байгууллага, их, дээд сургууль болон иргэний нийгмийн байгууллагуудтай хамтран ажиллах замаар эмэгтэйчүүд, залуучуудын улстөрийн манлайллыг дэмжих олон нийтийн дэмжлэгийг нэмэгдүүлэхэд чиглэж байна.