«Мен досторума жана жакындарыма табиятты коргоонун маанилүүлүгү жана экологиялык демилгелерге катышуунун зарылдыгы жөнүндө айтып берем. Бул аркылуу мен айлана-чөйрөгө жоопкерчиликтүү мамилени калыптандырууга жардам берем», — дейт Алибек.

Анын кыялында жашыл, коопсуз жана туруктуу Бишкек: көп бак-дарактар жана парктар бар, жөө жүргүнчүлөр менен велосипедчилер өзүн эркин сезген, ал эми шаардык чөйрө адамдар жана планета үчүн ыңгайлуу болгон калаа.

Алибек өзүнүн көрсөткөн үлгүсү менен күнүмдүк кичинекей кадамдар да келечекти өзгөртө аларын далилдеп келет.

Алибек 2025-жылдагы Жаштар климаттык кербенинин катышуучуларынын бири болду. Бул кербен Бириккен Улуттар Уюмунун Өнүктүрүү Программасы (БУУӨП), ЮНИСЕФ жана ЮНИТАР тарабынан колдоого алынган, өлкөнүн жети облусунан келген жаштарды бириктирген демилге.

Тренингдер, талкуулар жана коомчулук менен болгон диалогдор аркылуу Кербен жаштардын климаттык сабаттуулугун жогорулатып, алардын Париж келишиминин алкагындагы Кыргыз Республикасынын расмий климаттык жол картасы болгон УДАС3.0 үчүн сунуштарын чогултту.

УДАС3.0дү жаңылоо процесси Кыргыз Республикасынын жаратылыш ресурстары, экология жана техникалык көзөмөл министрлигинин жетекчилиги менен жүргүзүлүп жатат. Бул аракеттер өлкөнүн Париж келишиминдеги климаттык милдеттенмелерин аткарууга багытталган. ПРООН #ClimatePromise глобалдык демилгесинин алкагында Кыргыз Республикасына бул милдеттенмелерди иштеп чыгууда жана ишке ашырууда колдоо көрсөтүп, өзгөчө жаштардын кызыкчылыктарын камтыган инклюзивдүү, амбициялуу жана таасирдүү климаттык саясаттын жүргүзүлүшүн камсыздоого көмөктөшүүдө.