Төслийн үндэслэл

Монгол Улс 1991 онд зах зээлийн эдийн засагт шилжсэнээс хойш хөдөө орон нутгаас хот руу чиглэсэн шилжилт хөдөлгөөн эрчимжиж, хотжилт хурдацтай явагдаж байна. Үүний зэрэгцээ Улаанбаатар, Эрдэнэт, Дархан зэрэг хотод тогтвортой бус, хүртээмжгүй хотын өсөлт бий болж, агаар, хөрсний ноцтой бохирдол, биологийн олон янз байдлын алдагдал, усны хомсдол, хог хаягдлын менежментийн хангалтгүй байдал, уур амьсгалын өөрчлөлтөөс үүдэлтэй гамшигт үзэгдэлд өртөмтгий байдал зэрэг олон асуудал тулгарч байна. Эдгээр сорилт нь ялангуяа албан бус "Гэр" хороололд амьдарч буй иргэдэд илүү ихээр нөлөөлж байна. Хот төлөвлөлтийн тогтолцооны сул байдал, байгууллагын чадавхын хязгаарлагдмал байдал, санхүүгийн нөөцийн хомсдол зэрэг нь байгаль орчны доройтол, нийгмийн тэгш бус байдлыг улам нэмэгдүүлж байна. Эдгээр сорилтыг шийдвэрлэх нь Монгол Улсын тогтвортой хөгжлийн болон уур амьсгалын зорилтуудыг хэрэгжүүлэхэд чухал ач холбогдолтой юм. Уг төсөл нь Монгол Улсын Байгаль орчин, уур амьсгалын өөрчлөлтийн яамтай хамтран, Даян дэлхийн байгаль орчны сангийн (ДЭМБС) санхүүжилтээр хэрэгжиж байгаа юм.

Зорилго

Монгол Улсын хотуудыг байгальд ээлтэй, хүртээмжтэй, цэвэр тэг ялгаруулалттай, уур амьсгалын өөрчлөлтөд тэсвэртэй болгон хөгжүүлэхэд оршино. Үүний хүрээнд хот төлөвлөлтөд байгаль орчныг тусган, байгальд суурилсан шийдэл (NbS) нэвтрүүлэх, хог хаягдал болон усны менежментэд эргэлтийн эдийн засгийн зарчмыг хэрэгжүүлэх, барилгын эрчим хүчний үр ашгийг дээшлүүлэх, тогтвортой тээврийн шийдлийг хөгжүүлэх, шинэлэг санхүүжилтийн механизмыг ашиглахад чиглэнэ.

Хүлээгдэж буй үр дүн

Төсөл нь байгаль орчны доройтлыг бууруулах, биологийн олон янз байдлыг хамгаалах, уур амьсгалын өөрчлөлтийг сааруулах, газар болон хог хаягдлын менежментийг тогтвортой хэрэгжүүлэхэд хувь нэмэр оруулна. Хотын газар ашиглалтын төлөвлөлтийг сайжруулж, бодлого, зохицуулалтыг боловсронгуй болгох, ногоон дэд бүтцэд оруулах хөрөнгө оруулалтыг нэмэгдүүлэх, байгууллагын чадавхыг бэхжүүлэх замаар хотуудын тогтвортой хөгжлийг дэмжинэ. Байгаль орчны үр өгөөжийг, ялангуяа нийгмийн оролцоо, боломж хязгаарлагдмал бүлгүүдэд тэгш хүртээмжтэй хүргэхийн зэрэгцээ төрийн байгууллага, санхүүгийн байгууллага, иргэний нийгэм болон хувийн хэвшлийн хамтын ажиллагааг бэхжүүлж, тогтвортой хотын хөгжлийг дэмжих шинэлэг шийдлийг хамтран боловсруулах боломжийг бүрдүүлнэ.