Кыргыз Республикасындагы БУУнун Өнүктүрүү Программасы Кыргыз Республикасынын Башкы прокуратурасынын прокурордук-тергөө кызматкерлерин кесиптик даярдоо борборуна техникалык жабдууларды тапшырды.

Жабдуулар прокуратура органдарынын кызматкерлерин аралыктан окутууга арналган. Дистанттык окутуу ушул колдоонун аркасында маалыматты видео байланыш аркылуу гана өткөрүп бербестен, презентация жана билим берүүчү жана тажрыйбалык видео сабактар ​​менен маалыматтарды визуалдык коштоого шарт түзөт. Азыркы шарттарда прокуратура органдарынын кызматкерлери үчүн видео конференцияларды колдонуп, өндүрүштү үзгүлтүккө учуратпастан дистанттык окутууну колдонуу жигердүү жол экендиги белгиленди.

Өз ишинде видеоконференция байланышын колдонуу менен, Кыргыз Республикасынын прокуратура органдарынын кызматкерлеринин окутуу иш-чараларын, конференцияларды, тегерек столдорду жана ар кандай талкууларды өткөрүү үчүн убакытты жана экономикалык чыгымдарды кыйла кыскаруусу күтүлүүдө.

Жабдуулар Америка Кошмо Штаттарынын Өкмөтү каржылаган БУУӨПтүн “Кыргызстанда мыйзамдуулуктун жана эл аралык стандарттарга ылайык жазык сот тутумун реформалоону колдоо” жана Тынчтык орнотуу Фонду каржыланган “Кыргызстан менен Өзбекстандын жаштарынын ортосундагы ынтымакты жана кызматташтыкты илгерилетүү” долбоорлорунун алкагында берилди.

Андан сырткары, БУУӨПтүн колдоосу менен региондук прокуратуралардын кызматкерлери үчүн онлайн-тренингдер өткөрүлдү, алардын жүрүшүндө угуучулар прокурордук көзөмөлдүн актуалдуу маселелерин талкуулоо мүмкүнчүлүгүнө ээ болушту, ошондой эле дистанттык режимде тестирлөөдөн ийгиликтүү өттү.