Бишкек, 17-июнь 2025 — Санариптик соода чеберчилигине талаптын өсүшүнө жана 2025-2028-жылдарга «Кыргызстанда жасалган» улуттук экспорттук программасы жана 2023-2026-жылдарга Кыргыз Республикасында электрондук коммерцияны колдоо жана өнүктүрүү программасы менен шайкеш түрдө, Бириккен Улуттар Уюмунун Өнүктүрүү Программасы (БУУӨП) жана ЕККУнун Бишкектеги Программалык кеңсеси, Кыргызстандын Соода-өнөр жай палатасы, экспортту өнүктүрүү жана жарнамалоо «Кыргыз Экспорт» борбору жана башка негизги бизнес колдоо институттары менен жакын кызматташуудан улам, электрондук коммерция тармагында потенциалды өнүктүрүүгө арналган үч күндүк атайын тренингти өткөрүштү.

Бул окуу «Соодага көмөктөшүү» (V-фаза) жана « Кыргыз Республикасынын Ош, Жалал-Абад жана Баткен облустарында COVID-19дун залалдуу кесепеттеринен кийин социалдык-экономикалык жактан калыбына келтирүү» долбоорлорунун алкагында, БУУӨП тарабынан каржыланып жана ЕККУнун Бишкектеги Программалык кеңсеси «Экономикалык байланыштарды чыңдоо жана экспортту өнүктүрүүнү күчөтүү» долбоордун колдоосу менен өткөрүлгөн. Анын максаты — мамлекеттик ишканалардын жана ишкермелерди колдогон мекемелердин 30 өкүлүнүн билимдерин жана практикалык көндүмдөрүн жогорулатуу, аларга ишкердүүлүк субъектилерин санариптик рынокко чыгарууга жана атаандашууга эффективдүү жардам берүүгө мүмкүнчүлүк түзүү болду.

Үч күндүк интенсивдүү окуу учурунда катышуучулар интерактивдүү сессияларга катышып, электрондук коммерциянын негизги темалары боюнча билим алышты: таанымал маркетплейстерде каттоо, товарларды жайгаштыруу, брендинг, логистика, төлөм системалары жана мыйзамдуу талаптарды сактоо. Программа алдын ала кеңешүүлөрдөн алынган негизги тоскоолдуктарды жоюу үчүн ылайыкташтырылган, анын арасында: төмөн санариптик сабаттуулук, каттоо учурундагы катачылыктар жана МКБ ишкердик субъекттер жагынан рыноктун жетишсиз анализи. Ошондой эле мамлекеттик органдардын эксперттеринин, анын ичинде Салык жана бажы кызматтарынын, «Кыргыз почтасынын» жана коммерциялык банктардын катышуусу менен презентациялар уюштурулду. Электрондук коммерция стратегиялары жана санариптик рынокко чыгуу пландоо боюнча өзгөчө сессия катышуучуларга кыргыз ишкерлерине тиешелүү практикалык көндүмдөрдү окутулду.

Программанын практикалык баалуулугун жана мекемелердин муктаждыктарына ылайыкташтырылгандыгын белгилөө менен:

«Санариптик рыноктор бара-бара маанилүү болуп жаткандыктан, биздин мекемелер ишкерлерди бул өзгөрүштө туура багыттай алышы өтө маанилүү. Бул тренинг бизге МКБларды санариптештирүү жолунда чыныгы колдоо көрсөтүүгө керектүү практикалык билимдерди жана куралдарды берди», — деди Авазбек Керимбаев, Кыргызстандын Соода-өнөр жай палатасынын вице-президенти.

Өнүгүү перспективасынан алганда, программа узак мөөнөттүү таасир үчүн платформа болду:

«БУУӨПтө биз муну узак мөөнөттүү санариптик туруктуулукка жана Кыргызстандын ичинде жана сыртында өнөктөштүктү чыңдоого маанилүү инвестиция деп карайбыз. Жергиликтүү потенциалды күчөтүү долбоор бүткөндөн кийин да ишкерлерге колдоо токтобойт — ал көбөйөт, секторлор жана региондор боюнча адаптацияланат жана чектен тышкары кеңейип, кыргыз бизнесинин туруктуу өсүшүнө жардам берет», — деди Азамат Усубалиев, БУУӨПтүн Кыргызстандагы Туруктуу экономикалык өнүгүү кластеринин жетекчиси.

Окуу жергиликтүү кызыкдар тараптар аныктаган конкреттүү муктаждыктарга багытталган жана практикалык, натыйжага багытталган формада өткөрүлдү. Катышуучулар реалдуу платформаларды жана кыргыз контекстине ылайык иштелген мисалдарды колдонуп, электрондук коммерция операцияларын симуляциялоо менен иштешти. Бул ыкма билимди натыйжалуу өздөштүрүүнү камсыз кылган гана эмес, катышуучу мекемелерге мындай тренингдерди өз алдынча өткөрүп, масштабдоого мүмкүнчүлүк берди.

Келечекте БУУӨП жана анын өнөктөштөрү Кыргызстан бизнес-экосистемасын санариптик трансформациялоо үчүн потенциалды жогорулатуу, саясат диалогу жана техникалык колдоо аркылуу көмөктөштү улантат.

Туруктуулукту камсыз кылуу үчүн бардык окуу материалдары — кыргыз жана орус тилдериндеги колдонмолор, практикалык тапшырмалар жана санариптик жарнамалоо шаблондору — өнөктөш платформаларда жеткиликтүү болот. Бул демилге Кыргызстанды глобалдык санариптик экономикага интеграциялоодо жана МКБлардын атаандаштык жөндөмдүүлүгүн жогорулатууда маанилүү кадам болуп саналат.