Жоба мақсаты – нысаналы аудандардың аса осал қауымдастықтарының экологиялық, денсаулық сақтау, әлеуметтік және азық-түлік қауіпсіздігі мәселелерін кешенді түрде шешу, экологиялық мәселелерді шешуге бағытталған шараларды іске асыру, базалық қызметтерге қолжетімділікті арттыру, ресурстарды тиімді пайдаланатын ауыл шаруашылығы мен мал шаруашылығы тәжірибелерін дамыту арқылы халықтың тұрмыс жағдайын жақсарту, сондай-ақ инновациялық технологиялар мен баламалы энергия көздерін енгізу арқылы таза ауыз суға қолжетімділікті қамтамасыз ету.

Жоба үш компоненттен тұрады: 

1. Қазалы және Арал аудандарындағы екі елді мекенде қауіпсіз әрі сенімді ауыз сумен жабдықтау жүйесін құру; 

2. Арал ауданындағы Аманөткел ауылының шалғайдағы жайылымдарындағы сумен жабдықтау жүйелерін жақсарту; 

3. Жергілікті қауымдастықтар, үй шаруашылықтары мен фермерлер үшін WASH тәжірибелері, жаңартылатын энергия көздерін орнату және оларға техникалық қызмет көрсету бойынша оқыту бағдарламаларын өткізу.