Жоба қайта өңдеу инфрақұрылымының жеткіліксіз дамуы, қаржыландыру тетіктерінің шектеулілігі, саясатты іске асырудағы олқылықтар және халықтың қатысу деңгейінің төмендігі сияқты қалдықтарды басқару жүйесіндегі негізгі кедергілерді жою арқылы Қазақстанның циркулярлық экономикаға көшуіне жәрдемдесуге бағытталған. Ерекше назар Атырау және Маңғыстау облыстарына аударылады, мұнда қарқынды өнеркәсіптік даму, туризмнің өсуі және қалдықтардың көбеюі елеулі экологиялық сын-қатерлер туғызуда. 

Жоба төрт негізгі компоненттен тұрады: 

1. Циркулярлық экономика шешімдеріне мемлекеттік және жеке инвестицияларды тартуға арналған саясат құралдары мен қаржыландыру тетіктерін әзірлеу, оның ішінде тұрақты мемлекеттік сатып алу тәсілдерін дамыту; 

2. Атырау және Маңғыстау облыстарында пилоттық жобалар мен арнайы қаржыландыру тетігі арқылы әйелдер мен жастардың циркулярлық бизнес-бастамаларын қолдау; 

3. Инновациялар, хабардарлықты арттыру, білім алмасу және қалдықтар жөніндегі деректерді басқару жүйелерін дамыту платформаларын қалыптастыру;  

4. Қалдықтар ағындарын бағалау, Material Flow Analysis (MFA) және Urban Metabolism Analysis жүргізу, сондай-ақ циркулярлық экономика мен қалдықтарды басқару саласындағы оқыту іс-шаралары арқылы аналитикалық және техникалық әлеуетті нығайту.