პროექტი მხარს უჭერს რეგიონული და ადგილობრივი თვითმმართველობის რეფორმის განხორციელებას ოთხი ძირითადი მიმართულებით:

• პოლიტიკური და ინსტიტუციური სტრუქტურების გაუმჯობესება ადგილობრივ დონეზე დეცენტრალიზაციისა და კარგი მმართველობის ხელშეწყობის მიზნით.
• ეროვნული და ადგილობრივი ხელისუფლების ინსტიტუციური და ადამიანური რესურსების შესაძლებლობების გაძლიერება.
• მუნიციპალური სერვისების მიწოდების გაუმჯობესება.
• საზოგადოების ჩართულობის უზრუნველყოფა გადაწყვეტილების მიღების პროცესში.

ჩვენ ვთანამშრომლობთ საქართველოს რეგიონული განვითარებისა და ინფრასტრუქტურის სამინისტროსთან, საქართველოს პარლამენტთან, ადგილობრივ თვითმმართველობათა ეროვნულ ასოციაციასთან (NALA), საჯარო სამსახურის ბიუროსთან, სამი სამიზნე რეგიონის - ქვემო ქართლის, მცხეთა-მთიანეთისა და იმერეთის მუნიციპალიტეტებთან, სამოქალაქო საზოგადოებასა და ადგილობრივ ბიზნესთან.