უკრაინული სახლის შექმნა საქართველოში მცხოვრებ ლტოლვილთა და უკრაინის მოქალაქეთა უფრო ფართო დახმარების ნაწილია, რომელიც გაეროს განვითარების პროგრამის მხარდაჭერითა და გერმანიის  დაფინანსებით ხორციელდება. აღნიშნული დახმარება ასევე მოიცავს საგრანტო პროგრამებს, ტრენინგსა და კონსულტაციას მეწარმეებისთვის, რაც „CARE კავკასია“-სთან თანამშრომლობით განხორციელდება. ლტოლვილთა და უკრაინის მოქალაქეთა ეკონომიკური რეაბილიტაციის, დასაქმებისა და თვითდასაქმების შესაძლებლობების გაზრდის მიზნით, „CARE კავკასია“ ჩაატარებს ბიზნეს ტრენინგს, მოაწყობს კარიერულ კონსულტაციებს და ხელს შეუწყობს უკრაინელთა პროფილირებას საქართველოს კერძო სექტორში დასაქმებისთვის.

###

კანონის უზენაესობის გამყარება და მართლმსაჯულების ხელმისაწვდომობის გაზრდა

გერმანიის მთავრობის 1,627,701 აშშ დოლარის დაფინანსებით, გაეროს განვითარების პროგრამა (UNDP) ახორციელებს პროექტს „კანონის უზენაესობის გამყარება და მართლმსაჯულების ხელმისაწვდომობის გაზრდა“. 

პროექტი  მიზნად ისახავს მართლმსაჯულების ხელმისაწვდომობის გაზრდასა და მედეგობის გაძლიერებას ყველაზე დაუცველი და მოწყვლადი სოციალური ჯგუფებისთვის. გარდა ამისა, პროექტის ფარგლებში ასევე ხორციელდება ლტოლვილთა და საქართველოში მცხოვრებ უკრაინის მოქალაქეთა ხელშეწყობა კრიზისის მართვისა და სოციალურ-ეკონომიკური მდგრადობის გაუმჯობესების გზით.

გაეროს განვითარების პროგრამასთან ერთად, პროექტის განხორციელებაში ჩართულები არიან საქართველოს საჯარო უწყებები, არასამთავრობო ორგანიზაციები და გაეროს ლტოლვილთა უმაღლესი კომისრის წარმომადგენლობა. საქართველოში გერმანიის საელჩოსთან მჭიდრო კოორდინირების პირობებში, UNDP ასევე თანამშრომლობს რეგიონულ არასამთავრობო ორგანიზაციებთან და კანონის უზენაესობის ექსპერტებთან სომხეთიდან, მოლდოვიდან და უკრაინიდან.

###

ქართულ-უკრაინული პლატფორმა

ქართულ-უკრაინული პლატფორმა საქართველოში მოქმედი სათემო ორგანიზაციაა, რომელიც ეხმარება საქართველოში მცხოვრებ უკრაინის მოქალაქეებს და ხელს უწყობს საქართველოსა და უკრაინას შორის კულტურული კავშირების გამყარებას.

###     

საკონტაქტო ინფორმაცია:

• სოფო ჭიჭინაძე, UNDP, +995 599 196907, sophie.tchitchinadze@undp.org
• ნინო წითლანაძე, ქართულ-უკრაინული პლატფორმა, +995 593 750349, platformaukrge@gmail.com