Ushbu qo‘llanma BMT Taraqqiyot dasturi (BMTTD) va O‘zbekiston Respublikasi Transport vazirligining “Toshkent – kam uglerodli transportga investitsiyalar jalb etishni jadallashtirish (TAILEV)” loyihasi doirasida Global ekologik fond (GEF) ko‘magida ishlab chiqilgan.

Qo‘llanmaning maqsadi YSHTY dizayn tamoyillarini keng miqyosda amalga oshirish va institutsionalizatsiya qilishni ta’minlaydigan vizual va amaliyotga yo‘naltirilgan uslubiy va me’yoriy qoidalar to‘plamini yaratishdir. Hujjat loyihalash, qurish va ishga tushirish bosqichlarini o‘z ichiga olgan Shota Rustaveli ko‘chasida pilot loyihani amalga oshirish tajribasiga asoslangan.

Amalga oshirish natijalari va to‘plangan tajriba asosida YSHTY konsepsiyasini shaharning boshqa ko‘chalariga ham kengaytirish imkoniyatlari ko‘rib chiqiladi. Qo‘llanma shaharsozlik, transportni rejalashtirish, muhandislik loyihalash sohasidagi mutaxassislar, shuningdek, integratsiyalashgan transport yechimlarini ishlab chiqish va amalga oshirish bilan shug‘ullanadigan davlat va shahar organlari vakillari uchun mo‘ljallangan.

Hujjatning asosiy maqsadi qulay, xavfsiz va ekologik barqaror shahar harakatini shakllantirishga ko‘maklashishdan iborat. Qo‘llanma O‘zbekiston Respublikasining amaldagi milliy normalari va standartlarini hisobga olgan holda tayyorlangan. Uni mamlakatdan tashqarida qo‘llashda ko‘cha va yo‘l infratuzilmasini loyihalash, qurish va ulardan foydalanishni tartibga soluvchi mahalliy normativ talablarni hisobga olish tavsiya etiladi.