Sun’iy intellekt iqtisodiyotga tobora faolroq tatbiq etilmoqda, tartibga soluvchi "qumdonlar" esa nazorat qilinadigan va xavfsiz muhitda sun’iy intellekt yechimlarini sinash uchun asosiy vositaga aylanmoqda. Xalqaro qiziqish ortib borayotganiga qaramay, sun’iy intellekt qumdonlarini yaratish yondashuvlari milliy huquqiy, iqtisodiy va texnologik sharoitlarga moslashtirilishi lozim.

Ushbu nashr O‘zbekistonda sun’iy intellekt qumdonlarining salohiyatini innovatsiyalarni qo‘llab-quvvatlash, tartibga solish aniqligini oshirish va sun’iy intellektni, jumladan mikro, kichik va o‘rta korxonalar (MKOK) tomonidan mas’uliyatli joriy etishga ko‘maklashish mexanizmi sifatida ko‘rib chiqadi. Hujjatda xalqaro tajriba, mamlakatdagi mavjud sharoitlar va sun’iy intellekt qumdonlarini sinovdan o‘tkazish uchun mumkin bo‘lgan yo‘nalishlar haqida umumiy ma’lumot berilgan.

Tahliliy tadqiqotlar, so‘rovnomalar va mahalliy manfaatdor tomonlar bilan maslahatlashuvlar asosida milliy darajada sun’iy intellekt qumdonlarini joriy etish bo‘yicha amaliy asos va tavsiyalar taklif etiladi.