Mehnat munosabatlarini raqamlashtirish O'zbekistonda davlat boshqaruvi va mehnat bozori islohotlarining muhim yo'nalishlaridan biridir. 2020 yil yanvar oyidan boshlab my.mehnat.uz portali mamlakatda elektron mehnat daftarchalarini yuritish va mehnat shartnomalarini ro'yxatdan o'tkazishning yagona tizimi sifatida faoliyat yuritib, xodimlarning mehnat staji, bandlik tarixi va ular bilan bog'liq davlat xizmatlaridan foydalanishiga ta'sir ko'rsatuvchi muhim davlat axborot resursiga aylandi.

Mazkur tahliliy hisobot my.mehnat.uz portalining rasmiy Telegram guruhiga kelib tushgan foydalanuvchi murojaatlarini tahlil qilib, foydalanuvchilarning takrorlanib turadigan ehtiyojlari, xizmatlardagi funksional bo'shliqlar hamda mavjud qo'llab-quvvatlash modelidagi muammolarni aniqlaydi. Rossiya, Qozog'iston va Estoniya tajribalariga tayangan holda, hisobot davlat mehnat munosabatlariga oid yagona ma'lumotlar reestrini yuritadigan va umumiy standartlarni belgilaydigan institutsional modelni taklif etadi; bunda xususiy sektor ushbu standartlarga mos raqamli yechimlarni ishlab chiqadi.

Tahliliy hisobot Yevropa Ittifoqi tomonidan moliyalashtirilayotgan hamda BMT Taraqqiyot Dasturi va O'zbekiston Respublikasi Adliya vazirligi tomonidan amalga oshirilayotgan “O'zbekistonda davlat xizmatlari ko'rsatishni yanada takomillashtirish” loyihasi doirasida ishlab chiqilgan.