Байгаль орчны орон нутгийн зарлагын шинжилгээний зорилго нь орон нутгийн байгаль орчны 2015-2020 оны төсвийн гүйцэтгэл дээр үндэслэн өнгөрсөн хугацааны хандлага болон өнөөгийн нөхцөл байдлыг тодорхойлж, орон нутгийн төсөв, санхүүгийн удирдлагын талаар сүүлийн үеийн бодитой шинжилгээний мэдээллээр ханган НҮБ-ын Хөгжлийн хөтөлбөрийн Тогтвортой Хөгжлийн 2030 хөтөлбөрийн хэрэгжилтэд дэмжлэг үзүүлэхэд оршино. 

Орон нутгийн хүрээлэн буй орчны хөтөлбөрийн 2015-2020 оны орлого, зарлагын шинжилгээ, Байгалийн нөөц ашигласны төлбөрийн тухай хууль, Засгийн Газрын 2014 оны 43 дугаар тогтоолоор батлагдсан “Байгаль орчныг хамгаалах, нөхөн сэргээх арга хэмжээнд зарцуулах төлбөрийн орлогын хэсгийг бүрдүүлэх, зарцуулах, тайлагнах журам”-ийн хэрэгжилтийн 2013-2020 оны гүйцэтгэлд тус тус шинжилгээ хийж дүгнэлт, санал зөвлөмж боловсруулсан.