КРнын Экономика жана коммерция министрлиги БУУӨПтүн колдоосу менен министрликтин кызматкерлерин жана аймактардагы жергиликтүү өз алдынча башкаруу органдарынын өкүлдөрүн жаңы улуттук мастер- пландаштыруу методологиясы боюнча окутуу аркылуу аймактык өнүгүүгө заманбап мамилени иштеп чыгуу боюнча ишин улантты. 

Үч күндүк, практикага багытталган окутуунун жүрүшүндө министрликтин жана аймактардагы жергиликтүү 
өз алдынча башкаруу органдарынын 45тен ашык кызматкери мастер-пландаштыруунун негизги аспектилери боюнча  аймактык талдоодон жана үгүүнү визуализациялоодон баштап, долбоордук чечимдерди даярдоого жана маалыматтар менен иштөөгө чейин окутулду. Окутуу практикалык тапшырмаларды, кейс-стадилерди жана эл аралык мамилелерди талкуулоону камтыды.

КРнын Экономика жана коммерция министринин биринчи орун басары Чоро Сейитов мындай деп белгиледи: "Аймактарды натыйжалуу өнүктүрүү үчүн бизге өзүбүздүн кесиптик потенциалыбыз керек. Жаңы методология жана адистерди окутуу аймактык өнүгүүнү башкаруунун заманбап куралдарын түзүүгө карай маанилүү кадам болуп саналат". Окутуунун алкагында окуу планы, презентация материалдары, практикалык кейстер жана баалоо формалары сыяктуу окуу жана методикалык материалдардын толук топтому даярдалып, таратылды. Окутуунун жыйынтыктарынын негизинде компетенттүүлүктү андан ары чыңдоо боюнча сунуштар камтылган отчет түзүлдү. 

Александра Соловьева, БУУнун Өнүктүрүү программасынын Туруктуу өкүлү  мындай деп белгиледи: «Кыргыз Республикасынын 2030-жылга чейинки Улуттук өнүктүрүү программасында өлкөнүн туруктуу өсүшүнүн негизи катары аймактык өнүгүүнүн мааниси баса белгиленген. БУУӨП тарабынан колдоого алынган улуттук башкы пландаштыруу методологиясын иштеп чыгуу жана адистерди окутуу бул стратегиялык артыкчылыктарды аймактык деңгээлде ишке ашыруу үчүн практикалык куралдарды камсыз кылат». 

Окутуу Кыргызстандагы эксперттик базаны түзүүдөгү маанилүү кадам болду, ал шаарлардын жана айылдык муниципалитеттердин туруктуу жана тең салмактуу өнүгүүсүнүн куралы катары башкы пландарды ишке ашырууга мүмкүндүк берет. Экономика жана коммерция министрлиги жана БУУӨП аймактык пландаштыруунун сапатын жана башкаруу чечимдеринин натыйжалуулугун жогорулатуу боюнча биргелешкен иштерин улантышат. 

Бул демилге "Орусия менен БУУӨПтүн ортосундагы өнөктөштүктүн алкагында билимди башкаруу жана потенциалды өнүктүрүү" (III фаза) долбоорунун эксперттик жана каржылык колдоосу менен ишке ашырылууда.