Жоба дәстүрлі суару әдістерінен заманауи, тиімді және ақылды суару жүйелеріне көшуді жеделдетуге, суды пайдалану тиімділігін арттыруға және фермерлік қауымдастықтардың тұрақтылығын нығайтуға бағытталған.

Жоба келесілерді біріктіретін инновациялық, кешенді модельді енгізуді көздейді:

• суды цифрлық басқару шешімдері, оның ішінде мониторинг жүргізу және деректерге негізделген суару суын есепке алу; 

• су шығындарын азайтуға және суды пайдалану тиімділігін арттыруға бағытталған заманауи және ақылды суару технологияларын пилоттық енгізу; 

• заманауи суару саласындағы өңірлік орталықтар арқылы әлеуетті арттыру инфрақұрылымын дамыту. 

Сонымен қатар, жоба суару саласындағы қызметтер мен технологияларды дамытуға қолайлы бизнес-экожүйені қалыптастыруға, заманауи суару жүйелерін жобалау, құрастыру, салу және техникалық қызмет көрсету бағыттарында жеке сектордың қатысуын және жергілікті сараптаманы дамытуға ықпал етеді.

Технологиялық пилоттық жобаларды, әлеуетті арттыру іс-шараларын, сондай-ақ нормативтік және институционалдық дамуды біріктіру арқылы жоба су ресурстарын тұрақты басқару және климаттың өзгеруіне бейімделу мақсаттарына ықпал етеді. Жоба су ресурстарын бөлу мен пайдаланудың тиімділігін арттыруға, ауыл шаруашылығы өндірісінің құрғақшылық пен су тапшылығына осалдығын төмендетуге, сондай-ақ ТДМ 6 (Таза су және санитария) және тұрақты дамудың басқа да басымдықтарына сәйкес экологиялық және әлеуметтік-экономикалық нәтижелерге қол жеткізуге бағытталған.

Жоба ұлттық деңгейде кеңейтуге және Орталық Азия елдерінде кейіннен қайталап енгізуге бағытталған.

Жобаның тікелей іске асырылатын аумағы: Қазақстан Республикасы – суармалы егіншілікке тәуелді ауыл шаруашылығы өңірлері. Негізгі бенефициарлар: фермерлер, агробизнес өкілдері, су ресурстарын басқару органдары мен ұйымдары және ауылдық қауымдастықтар.