Hududlarni rivojlantirish bo‘yicha master-rejalarni ishlab chiqish, muvofiqlashtirish va tasdiqlash jarayonlariga bag‘ishlangan qo‘llanma hududiy va ijtimoiy-iqtisodiy rivojlanishni tizimli rejalashtirishga yordam beruvchi amaliy hujjat hisoblanadi. Unda samarali va barqaror master-rejalarni yaratish uchun zarur bo‘lgan yondashuvlar va tavsiyalar jamlangan.

Ushbu qo‘llanma O‘zbekiston Respublikasi iqtisodiyot va moliya vazirligi va Birlashgan Millatlar Tashkiloti Taraqqiyot dasturi tomonidan amalga oshirilayotgan hamda Islom taraqqiyot banki va OPEKning Xalqaro taraqqiyot jamg‘armasi tomonidan moliyalashtirilayotgan “Qishloq joylarni barqaror rivojlantirish” qo‘shma loyihasining “Infratuzilmani boshqarishda muhandislik xizmatlari va salohiyatini oshirish” B komponenti doirasida ishlab chiqilgan.