LocationsBMG-niň Ösüş Maksatnamasy, ýaşlaryň arasynda daşky gurşawy goramak çäreleri we howanyň üýtgemegi boýunça surat sergisini geçirmek arkaly, Halkara daşky gurşawy goramak gününi belläp geçdi.
June 5, 2025
BMG-niň Ösüş Maksatnamasy, ýaşlaryň arasynda daşky gurşawy goramak çäreleri we howanyň üýtgemegi boýunça surat sergisini geçirmek arkaly, Halkara daşky gurşawy goramak gününi belläp geçdi.
Aşgabat, 5 iýun 2025 ý. BMG-niň Ösüş Maksatnamasy (BMGÖM) tarapyndan, Aşgabat şäherine BMG-niň binasynda, 5 - iýunda – Halkara daşky gurşawy goramak gününe bagyşlap, ýaşlaryň interaktiw maslahatyny geçirdi. Maslahatda howanyň üýtgemeginiň, gender deňliginiň, ýaş nesilleriň öňdebaryjy hereketleriniň özarabaglanyşygy baradaky meselelere üns berildi. Maslahata, Halkara ynsanperwer ylymlary we ösüş uniwersitetiniň talyplary gatnaşdylar we olar howanyň üýtgemegine garşy göreşmekde ýaş nesilleriň alyp barýan işleri baradaky meseleleri ara alyp maslahatlaşdylar. Howanyň üýtgemegi baradaky meselelerde, öňdebaryjy çözgütleri kabul etmekde hem-de durnukly we öýlanyşykly geljegi gurnamakda, zananlaryň we gyzlaryň ijeň gatnaşmagyna has uly üns berildi.
Maslahatyň bölümçelerinde maslahata gatnaşyjylar, Global ekologiýa gaznasy (GEG) tarapyndan maliýeleşdirilýän, BMGÖM-i bilen, Türkmenistanyň Daşky gurşawy goramak ministrliginiň bilelikde ýetine ýetirýän iki sany taslamasynyň çäklerinde, Ýaşyl şäherleri ösdürmekde Türkmenistanyň gazanan üstünlikleri bilen tanyşdylar. Maslahatyň dowamynda talyplara, “Türkmenistanda durnukly şäherleriň ösdürilişi” atly taslamanyň çäklerinde alty ýylyň dowamynda, parnik gazlarynyň zyňyndylaryny azaltmak, energiýanyň netijeli ulanylyşyny ýokarlandyrmak, galyndylary dolandyrmak ulgamyny kämilleşdirmek hem-de Aşgabatda we Awazada öňdebaryjy ekologiýa, şäher tejribelerini ornaşdyrmak boýunça, amala aşyrylan işler barada wideofilm hem görkezildi. BMGÖM-niň, 2025-nji ýylyň aprel aýynda başlanan, ýurdumyzyň gurluşyk pudagyna energiýany netijeli ulanylmagyna gönükdirilen täze taslamanyň çäklerinde ýerine ýetirilmegi meýilleşdirilýän, energiýany juda az mukdarda ulanýan husgalyk binany gurmak we bu binada intellektual energoulgamlary döretmek hem-de energiýanyň gaýtadan dikeldilýän görnüşleriniň esasynda elektrik we ýylylyk energiýasyny öndürýän çözgütleri ornaşdirmak boýunça meýilleşdirilýän çäreler barada gyzykly maglumatlar berildi.
Çärä gatnaşyjylar, şeýle-hem Durnukly Ösüş Maksatlaryna (DÖM) ýetmek, howanyň üýtgemegine garşy göreşmek boýunça “Howanyň üýtgemegi babatynda bilimler sandygy” - BMGÖM-nyň sebitleýin başlangyçlary bilen tanyşdylar. Bu çäreler Gündogar Ýewropa, Merkezi Aziýa ýurtlarynda, şol sanda Türkmenistanda howanyň üýtgemegi baradaky meseleleriň okuw maksatnamalaryna goşulmagyna ýardam bermäge gönükdidilendir. “Howanyň üýtgemegi babatynda bilimler sandygy”, atly sebitleýin başlangyçlar howanyň üýtgemegi boýunça bilimleri kämilleşdirmek, bu ugurda sanly gurallary ulanmak, sebit we halkara derejesinde tejribe alyşmak we hyzmatdaşlyk etmäge gönükdirilendir. Durnukly ösüş we howanyň üýtgemegine garşy göreşmek boýunça ukyplaryny artdyrmak we alan bilimlerini çuňlaşdyrmak maksady bilen, talyp ýaşlar, maslahatyň çäklerinde geçirilen bäsleşige hem gatnaşdylar.
BMG-niň binasynda, BMG-niň Ösüş Maksatnamasy tarapyndan, howanyň üýtgemegine durnuklylyk, energiýany netijeli ulanmak, daşky gurşawy goramak babatda Türkmenistan bilen, hyzmatdaşlygyň 30 ýyllygyna bagyşlanyp surat sergisi hem geçirildi. Bu surat sergisinde, Türkmenistanyň durnukly ösmegi we howanyň üýtgemegi halkara borçnamalaryny ýerine ýetirmek bilen bagly amala aşyrylan işler, bilelikde öňe sürülen başlangyçlar we uzal möhletleýin hyzmatdaşlyk barada anyk maglumatlar görkezildi.
Ýaş nesilleriň wekilleri bilen geçirilen bu maslahat, Birleşen Milletler Guramasynyň Baş Assambleýasiniň 2025-nji ýyly, “Halkara parahatçylyk we ynanyşmak” ýyly diýip yglan etmegi we Birleşen Milletler Guramasynyň Ösüş Maksatnamasynyň Türkmenistandaky Wekilhanasynyň başlangyçlary bilen geçirilýän “Gender deňligi: parahatçylyga we ynanyşmaklyga gönükdirilen ýörelgedir” atly çäreleriň çäklerinde geçirildi. Bu çäreleriň geçirilmegi, gender deňligi, durnukly ösüş, howanyň üýtgemegine garşy göreşmek meselelerinde ýaş nesillere, aýratynam zenanlara we gyzlara uly orun degişlidini belläp geçdi.
