НҮБХХ-ийн СКАЛА төслийн хүрээнд “Монгол Улсад гадаргын ус цуглуулах хөв цөөрөм байгуулах ач холбогдол” бодлогын зөвлөмжийг боловсруулав. Тухайн зөвлөмжид Монгол Улсад ашиглах боломжтой, Монгол орны олон янзын ландшафтыг харгалзан боловсруулсан гадаргын ус хуримтлуулах хөв цөөрмийн зургаан "Жишиг загвар"-ыг санал болгосон. Мөн хууль эрх зүй, төсвийн санхүүжилт, нэр томьёо, Газарзүйн мэдээллийн систем (GIS) болон Зайнаас тандах судлах арга зүйн(RS) технологийн хэрэгцээ, нэгдсэн мэдээллийн сан, орон нутгийн иргэдийн оролцоо, хөв цөөрмийг хамгаалах арга хэмжээг хэрхэн хэрэгжүүлэх талаарх цогц арга замыг санал болгож, засгийн газрын тогтоол гаргахыг зөвлөсөн.