“Хүний эрхийн магадлан шинжилгээ ба байгаль орчин: Бизнесийн байгууллагад зориулсан практик гарын авлага” нь аж ахуйн нэгж, байгууллагууд байгаль орчинд үзүүлэх хохирол болон түүнтэй холбоотой хүний эрхийн сөрөг нөлөөллөөс хэрхэн урьдчилан сэргийлэх, бууруулах талаарх бодит, хэрэгжүүлэхүйц зөвлөмжүүдийг өгч байна. Энэхүү гарын авлага нь дэлхийн хямралын нөхцөлд хүний эрхийн магадлан шинжилгээний олон улсын стандартыг нэвтрүүлэх замаар компанийн магадлан шинжилгээний чанарыг сайжруулах, холбогдох хууль тогтоомж, бодлого, тогтолцоог ил тод, нээлттэй болгоход дэмжлэг үзүүлэх боломжтой юм. Мөн энэ нь төрийн байгууллага, хөрөнгө оруулагчид болон иргэний нийгмийн байгууллагуудын хувьд аж ахуйн нэгж, байгууллагын бизнесийн үйл ажиллагаанд хяналт тавих, үнэлгээ хийхэд чухал дэмжлэг болно.