წინამდებარე პუბლიკაცია წარმოადგენს საქართველოში ლტოლვილებისა და უკრაინელი მოქალაქეებისთვის გაწეული ბიზნეს მხარდაჭერის შეფასებას. ანგარიში ეყრდნობა სამი საგრანტო ციკლის (2023–2025) ფარგლებში მხარდაჭერილი 84 ბიზნეს წამოწყების მონაცემებს და ასახავს შედეგებს მათი ეფექტურობის, დასაქმებისა და სოციალური გავლენის მიმართულებით.

ძირითადი მიგნებები:

• 84 დაფინანსებული ბიზნესიდან, 73 (87%) აგრძელებს ფუნქციონირებას
• დაფინანსებულ ბიზნესებში დასაქმებულია 175 ადამიანი, მათ შორის 32 უკრაინელი ლტოლვილი და 41 ქალი
• 93%-მა განაცხადა ოჯახის ფინანსური მდგომარეობის გაუმჯობესების შესახებ
• 81% არ განიხილავს საქართველოდან წასვლას
• 81% დადებითად აფასებს მიღებულ მხარდაჭერას მაღალი კმაყოფილებით

პუბლიკაცია მომზადებულია CARE Caucasus-ის მიერ, გაეროს განვითარების პროგრამისა და გერმანიის მთავრობის ხელშწყობით, მათი ერთობლივი ინიციატივის ფარგლებში „კანონის უზენაესობის გაუმჯობესება და მართლმსაჯულებაზე ხელმისაწვდომობის გაზრდა ყველასთვის“.