ვაშლოვანის დაცული ტერიტორიები მრავალფეროვანი კლიმატური ზონებით ხასიათდება, რომელთა შორისაა უდაბნო, ნახევრად-უდაბნო, სტეპი, არიდული მეჩხერი ტყეები და ფოთლოვანი ტყე.

ნახევრად-უდაბნოს ტერიტორია საძოვრებისათვის ინტენსიურად გამოიყენება, თუმცა გადაძოვება კვლავ გამოწვევაა როგორც ეკო-სისტემისთვის, ასევე ადგილობრივი ფერმერებისათვის.

2013-2018 წლებში, ევროკავშირი და გაეროს განვითარების პროგრამა, რეგიონული Clima East ინიციატივის ფარგლებში ხელს უწყობდნენ ვაშლოვანის დაცულ ტერიტორიებზე არსებული საძოვრების აღდგენას, ნიადაგის დეგრადაციის შემცირებასა და ადგილობრივი მოსახლეობის სოციო-ეკონომიკური პირობების გაუმჯობესებას.

წინამდებარე კვლევა, რომელიც ამ დახმარების ფარგლებში განხორციელდა, საძოვრების აღდგენისა და მდგრადი მართვისთვის მნიშვნელოვანი ინფორმაციის მოძიებას ისახავდა მიზნად:

• ვაშლოვანის დაცულ ტერიტორიებზე ნახშირბადის მარაგების განსაზღვრა.
• ნიადაგის ნაყოფიერების შეფასება.
• საძოვრების წყლის ბალანსის მოდელირება.