ღონისძიების მონაწილეებს ასევე მიმართეს ნიკო თათულაშვილმა, საქართველოს პრემიერ-მინისტრის მრჩეველმა ადამიანის უფლებათა საკითხებში; ნიკოლას სენდროვიჩმა, ევროკავშირის წარმომადგენლობის თანამშრომლობისა და განვითარების სექციის ხელმძღვანელმა; კრის რეილიმ, დიდი ბრიტანეთის საელჩოს პროგრამების ხელმძღვანელმა; და რებეკა ლიმ, ნორვეგიის ელჩის მოადგილემ საქართველოში.

კვლევის მიგნებები:

კვლევის მიგნებები ეფუძნება საქართველოს 103 საჯარო დაწესებულებაში ჩატარებულ რაოდენობრივ გამოკითხვასა და ჩაღრმავებულ ინტერვიუებს. სულ კვლევის ფარგლებში გამოიკითხა 1,162 საჯარო მოხელე და ჩატარდა 20 ჩაღრმავებული ინტერვიუ.

კვლევის მიგნებების თანახმად, საქართველოს საჯარო მოხელეები მტკიცედ უჭერენ მხარს ადამიანის უფლებებისა და თანასწორობის პრინციპებს. რესპონდენტების უმეტესობა თვლის, რომ დისკრიმინაცია და უფლებების დარღვევა რეაგირების გარეშე არ უნდა დარჩეს და სახელმწიფომ ყველაფერი უნდა გააკეთეს ასეთი შემთხვევების აღსაკვეთად. 

მიუხედავად ამისა, კვლევა ასევე ცხადყოფს, რომ სტერეოტიპები და ცრუ წარმოდგენები მნიშვნელოვან როლს ასრულებს საჯარო მოხელეთა დამოკიდებულებებისა და აღქმების ფორმირებაში, რაც განსაკუთრებით ისეთი სოციალური ჯგუფების მიმართ დამოკიდებულებაში ვლინდება, როგორებიცაა შეზღუდული შესაძლებლობის მქონე პირები, ეთნიკური და რელიგიური უმცირესობები და ლგბტქი+ თემი.

კვლევის რესპონდენტთა აზრით, ყველაზე ხშირად საქართველოში ირღვევა თანასწორობის (40%), ჯანსაღ გარემოში ცხოვრების (32%), სიცოცხლის (31%), პირადი და ოჯახური ცხოვრების ხელშეუხებლობის (25%) და პატივისა და ღირსების ხელშეუვალობის (25%) უფლებები. 

ყველაზე დაუცველ ჯგუფებად რესპონდენტები მიიჩნევენ ლგბტქ+ თემს (44.6%), ჯანმრთელობისა და სიცოცხლისთვის საშიშ სამუშაოზე დასაქმებულებს (44.4%) და მარტოხელა დედებს (32.2%).

საჯარო მოხელე ქალები მეტად ინფორმირებულები არიან მოწყვლადი ჯგუფების გამოწვევების შესახებ და მეტ სენსიტიურობას ავლენენ შეზღუდული შესაძლებლობის მქონე პირების, ეთნიკური და რელიგიური უმცირესობებისა და ლგბტქი+ თემის სამართლებრივი თუ უფლებრივი საჭიროებების მიმართ.

კვლევაში ასევე გამოავლენს, თუ რამდენად ინფორმირებულნი არის საჯარო მოხელეები ადამიანის უფლებების შესახებ და რა საჭიროებები არსებობს სექტორის შიგნით შესაბამისი განათლებისა და ტრენინგის მიმართულებით.

კვლევის სრული ანგარიში ხელმისაწვდომია ამ ბმულზე.

საკონტაქტო ინფორმაცია ჟურნალისტებისთვის:

• სოფო ჭიჭინაძე, UNDP, +995 599 196907, sophie.tchitchinadze@undp.org,
• ელენე საყვარელიძე, UNDP, +995 599 003944, elene.sakvarelidze@undp.org
• თეიკო კანდელაკი, UNDP, +995 599 103525, tinatin.kandelaki@undp.org