Oʻzbek xalqi nonni qanchalik hurmat qilishi va har bir xonadonda non alohida eʼzozda ekanligi haqida hamma yaxshi biladi. Nonni yerga tashlaydigan yoki unga hurmatsizlik koʻrsatadigan oʻzbekistonlikni uchratish mahol, shuningdek hech bir ziyofat qaynoq non ushatishsiz oʻtmaydiAnʼanaga koʻra, non tandirda yopiladi va hovlida yashovchi har bir mahalla ahli oʻz tandiriga ega. Shaharda yangi nonni doʻkondan bemalol sotib olish mumkin boʻlib, tandirdan faqat bayramlardagina foydalanilsa, chekka qishloqlarda bu ish non tayyorlashning asosiy usuli sanaladi. Tandirdan yangi uzilgan nonning ifori yoqimli ekaniga qaramay, bu atrof-muhitga qanday yuk boʻlishini qayd etish muhim, chunki tandirni qizdirish uchun buta yoki daraxtni kesishga toʻgʻri keladi.

Bugungi kunda Oʻzbekistonda katta shaharlardan yiroqda joylashgan qishloqlarni gazlashtirish masalasi ijobiy hal qilinmoqda. Davlat dasturlari rejali asosda amalga oshirilishi barobarida, hozircha tabiiy gaz bilan taʼminlanmagan va davlat tomonidan aholining taom tayyorlashi uchun gaz ballonlarida suyultirilgan propan gazi keltirish, shuningdek oʻtin sotilishi tashkil etilgan chekka togʻli mahallalar mavjud. Taʼminlash hajmlari yetarli lekin aholi yovvoyi tabiatdagi daraxtlarni noqonuniy kesishga kirishishlarining xatari katta. Bunday joylarda, ularning kengligi va yetib borish qiyinligi sababli, bu kabi jarayonlarni nazoratga olish juda murakkab.

BMTTD hamda Oʻzbekiston Respublikasi Ekologiya va atrof-muhitni muhofaza qilish davlat qoʻmitasining Global Ekologik Fond moliyaviy koʻmagida amalga oshirilayotgan “Bioxilma-xillikning global ahamiyatga ega turlari uchun muhim boʻlgan asosiy togʻli mintaqalarda tabiiy resurslar va oʻrmon xoʻjaligidan barqaror foydalanish” qoʻshma loyihasining Tajriba mintaqalarini texnik qoʻllab-quvvatlash dasturini amalga oshirish doirasida, Toshkent viloyati Boʻstonliq tumani, “Pskom” va “T.Dadaboyev” mahallalarida novvoyxonalar ochish boʻyicha ikkita loyiha amalga oshirildi.