Locations
БУУӨПтүн жалпы маалыматы: cаламаттыкты сактоо тармагындагы башкаруу 2025
БУУӨПтүн жалпы маалыматы: cаламаттыкты сактоо тармагындагы башкаруу 2025
2025-ж., 22-July
Натыйжалуу саламаттыкты сактоо системасы баарына жеткиликтүү жана сапаттуу медициналык кызматтарды камсыз кылууда негизги ролду ойнойт. Туруктуу өнүгүүнүн максаттары 2030-жылга чейин ВИЧ/СПИД, кургак учук, безгек жана башка жугуштуу оорулардын эпидемиясын токтотуу боюнча амбициялуу милдеттенмелерди камтыйт. Максаты – жалпы калкты саламаттыкты сактоо кызматтары менен камтуу жана бардык коопсуз жана арзан дары-дармектер менен вакциналарга жеткиликтүүлүгүн камсыз кылуу.
2024-жылы Кыргыз Республикасынын Министрлер Кабинети Саламаттыкты сактоо министрлигинин саламаттыкты сактоо боюнча бардык маалымат системаларын бириктирген Бирдиктүү медициналык маалымат системасы (БММС) жөнүндө токтом кабыл алган. Бул токтом медициналык мекемелердин документтерди кагазсыз башкарууга өтүүсү үчүн укуктук негиз түзөт, ошондой эле жарандардын БММС аркылуу өздөрүнүн медициналык маалыматтарына жетүү мүмкүнчүлүгүн берет.
Бул контекстте Кыргыз Республикасындагы БУУӨП саламаттыкты сактоо тармагында натыйжалуу башкарууну илгерилетүү, санариптештирүү жана саясий реформаларды жүргүзүү багытында улуттук жана эл аралык өнөктөштөр менен биргеликте кызматташууда. Заманбап технологияларды жана инновациялык ыкмаларды колдонуу менен БУУӨП өлкөнүн саламаттыкты сактоо системасын чыңдоого, медициналык кызматтардын сапатын жакшыртууга жана коомдук саламаттыкты сактоонун натыйжаларын жакшыртууга салым кошууда.
