ЕБ-БУУнун “Көңүл чордонунда” демилгеси – аялдарга жана кыздарга карата зордук-зомбулуктун бардык түрлөрүн токтотуу боюнча дүйнөдөгү эң ири максаттуу аракет.
Биз үй-дөгү жана үй-бүлөлүк, сексуалдык, гендердик зомбулукка, зыяндуу практикага, аялдарды өлтүрүүгө, адам сатууга, сексуалдык жана экономикалык (эмгек) эксплуатацияга басым жасоо менен аялдарга жана кыздарга карата зомбулуктун бардык түрлөрүнө көңүл бөлүп жана көзөмөлгө алабыз.
Кыргызстанда БУУӨП, БУУ-Аялдар программасы, ЮНФПА, ЮНИСЕФ жана БУУ БКБ социалдык инновацияларга, адам укуктарына, көп секторлуу инклюзивдик жоопторго жана жабырлануучуга багытталган пландаштыруу принциптерине, ошондой эле ишке ашырууга жана көзөмөлдөөгө негизделген бир катар ыкмаларды камтыган демилге үчүн биригишкен. Туруктуу өнүгүү максаттарына жана эч кимди артта калтырбоо принцибине ылайык дискриминациянын бир нече формаларына туш болгон аялдардын жана кыздардын үнүн, тажрыйбасын жана чечимдерин интеграциялоого өзгөчө көңүл бурулат.