وەکو بەشێك لە پاڵپشتیی بەرنامەی پەرەپێدانی نەتەوەیەکگرتوەکان UNDP بۆ عێراق، هاریکاریی تەکنیکی و بنیادنانی توانستیش دابینکراون بۆ باشترکردنی ڕۆڵی دامەزراوە حکومییەکان لە پەرەپێدانی کۆمەڵایەتی-ئابووری و بەشداریکردن لە باشترکردنی کارەکانی حوکمڕانیدا.

لە ساڵی ٢٠٠٨ دا، UNDP ڕێکەوتننامەیەکی ماوەدرێژی واژۆ کرد لەگەڵ حکومەتی هەرێمی کوردستاندا KRG بۆ پاڵپشتییکردنی بەکارخستنی بوجە BES. هەتا ساڵی ٢٠١٦، ئەم پڕۆژەیە یارمەتی هەوڵەکانی حکومەتی هەرێمی کوردستانی کردوە لە پەرەپێدانی بەڕێوەبردنێکی کارا و بەرپرس و شەفاف بۆ بوجەی گشتیی. BES بنەماکانی خێراکردنی سەقامگیرکردن و دووبارەبنیادنانەوە و پەرەپێدانی بۆ هەرێمی کوردستانی عێراق KR-I دا داناوە.

ئەم پەڕەی زانیاری خێرایە بوارەکانی بەشداریکردن و دەرەنجامە سەرەکیەکان بە پوختەکراوی دەخاتە ڕوو.