ئامانج لە پڕۆژەی دەستپێشخەرییەکانی ناوبژیوانى و بەرەنگاربوونەوەى گەندەڵی بنیاتنانی هەوڵەکانی عێراقە بۆ بەرەنگاربوونەوەی گەندەڵی بە شێوەیەکی بەردەوام و دروستکردنی ژینگەیەکی گونجاو بۆ ڕاکێشانی وەبەرهێنانی بیانی و پەرەپێدانی کەرتی تایبەت. ئەم پڕۆژەیە کە لەلایەن یەکێتی ئەوروپاوە پارەی بۆ تەرخان کراوە، پاڵپشتی هەوڵەکانی عێراق دەکات بۆ باشترکردنی شەفافییەت و بەرپرسیارێتی لە هەموو دامەزراوەکانی دەوڵەتدا، هاوکات لەگەڵ دامەزراوەکاندا کار دەکات بۆ پێداچوونەوە و چاکسازیکردن  لە یاساکانی ڕووبەڕووبوونەوەی  گەندەڵی لەڕێگەی دابینکردنی پاڵپشتی تەکنیکی تایبەتمەند.

بە شێوەیێکی ڕاستەوخۆ لەگەڵ ئەجێندای سەرۆک وەزیران و حکومەتەکەی بۆ بەرەنگاربوونەوەی گەندەڵی، هەمەجۆرکردنی ئابووری، بەرەوپێشبردنی حوکمڕانی ئەلیکترۆنی و ڕاکێشانی وەبەرهێنانی بیانی؛ دەستپێشخەرییەکانی ناوبژیوانى و بەرەنگاربوونەوەى گەندەڵی وەک هاندەرێک بۆ باشترکردنی توانا و یاسادانان و چوارچێوەیەکی ستراتیژی بۆ ڕووبەڕووبوونەوەی گەندەڵی و چارەسەرکردنی ناکۆکییە بازرگانییەکان کار دەکات. کلیک لێرە بکە بۆ بەدەستهێنانی زانیاری زیاتر دەربارەی دەستکەوتەکانی ئەم پرۆژەیە.

لە مانگی ئایاری ساڵی  2021 بە بودجەی 16 ملیۆن دۆلاری ئەمریکی دەستکرا بە پڕۆژەکە، وە پڕۆژەکە بەردەوام دەبێت بۆ قۆناغی دووەمی خۆی و  5 ملیۆن دۆلاری تر لە مانگی ئەیلولی ساڵی 2025 دەست پێدەکات. هاوبەشە سەرەکییەکانی بریتین لە ئەنجومەنی باڵای دادوەری عێراق و ئەنجومەنی دادوەری هەرێمی کوردستان و هەردوو دەستەى  دەستپاکی حکومەتى عێراق و هەرێمى کورستان و ئەنجومەنی نوێنەرانی عێراق و ئەنجومەنی نوێنەرانی هەرێمی کوردستان و نووسینگەکانی سەرۆک وەزیرانی فیدراڵ و هەرێم و ڕێکخراوەکانی کۆمەڵگەی مەدەنی لە عێراقدا.