هیچ ڕێگەیەکی باشتر نییە بۆ بەرەنگاربوونەوەی سەختییەکان لە بەرەیەکی یەکڕیز. سەرکردە ئاینییەکان لە شەرگات، سەڵاحەدین بە یەکگرتوویی چوونەتە بەرەی بەرەنگاربوونەوەی توندوتیژیی وتوندڕوەیی لە پاش دیدارێکی تایبەت بە گفتوگۆکردن کە بەرنامەی نەتەوە یەکگرتووەکان بۆ پەرەپێدان لە عێراق ئاسانکاریی کرد بۆ سازکردنی  بەهاریکاریی لەگەڵ ڕێکخراوی "Un Pont Per" و هاوبەشی ناوخۆیی کە دامەزراوەی ئاشوری عێراقیی بۆ فریاگوزاریی و گەشەپێدان.

لە 21 ی نیسان دا، بەڕێوەبەری وەقفی سونیی لە شەرگات ئامادەی دیدارێك بوو لەگەڵ ڕابەرانی ئایینی وشێخان و پۆلیسی ناوخۆیی ونوێنەرانی گەنجان بۆ تاوتوێکردنی گوتاری ئایینی میانڕەو وەك بەشێك لە پڕۆژەی بەرنامەی نەتەوە یەکگرتووەکان بۆ پەرەپێدان بۆ بەهێزکردنی خۆڕاگریی کۆمەڵگا بۆ ڕێگرییکردن لە توندوتیژیی وتوندڕوەیی لە چەند ناوچەیەکی دیارییکراودا بۆ گەڕانەوە لە ئەنبار ودیالە وکەرکوك ونەینەوا وسەڵاحەدین وبە پشتیوانیی حکومەتی ئەڵمانیا. لە چوارچێوەی دەستپێشخەرییەکانی تایبەت بە پڕۆژەکەشدا بنیاتنانی تواناکانی لێپرسراوانی ناوخۆیی وسەرکردەکانی کۆمەڵگا و کۆمەڵی مەدەنیی ولایەنە کاراکانی بواری ئاشتیی ئەنجامدەدرێت بۆ ڕێگرییکردن لە توندوتیژیی وتوندڕوەیی لە ڕێگەی جێبەجێکردنی یاسا و پەروەردە و هۆشیارکردنەوەی جڤاکیی.