لە عێراقدا قەیرانی کتوپڕی گەورەی وەکو ململانێی توندوتیژ و نەبوونی گوزەران ماوەیەکی لەڕادە بەدەرە پێش تەندروستی دەروونی و پشتیوانی دەروونی-کۆمەڵایەتی کەوتووە. دابینکردنی خزمەتگوزارییەکانی پشتیوانی دەروونی-کۆمەڵایەتی و تەندروستی دەروونی زۆر گرنگە بۆ پشتیوانیکردن لە کۆمەڵگایەکی تەندروست و پێکەوەژیاو، بەتایبەتی لە کۆمەڵگای خێزانە گەڕاوەکاندا، کە ئاوارە ناوخۆییەکان تیایاندا ، بۆ یەکەمجار پاش چەندان ساڵ لە ئاوارەبوون، گەڕاونەتەوە سەر ماڵوحاڵەکانیان.

لە بەرواری 25 تا 27 ی تشرینی یەکەمدا، بەرنامەی نەتەوە یەکگرتووەکان بۆ پەرەپێدان لە عێراقدا وۆرکشۆپێکی لەسەر خزمەتگوزارییەکانی پشتیوانیی دەروونی-کۆمەڵایەتی و تەندروستی دەروونی بۆ بیست کارمەندی کۆمەڵایەتی لە ناحیەی عەیازییە ڕێکخست لە نەینەوادا. دوابەدوای ڕاهێنانەکە، کارمەندە کۆمەڵایەتییەکان خزمەتگوزارییەکانی پشتیوانی دەروونی-کۆمەڵایەتی و تەندروستی دەروونی بۆ 200 ئەندامی کۆمەڵگا لە عەیازییەدا دابین دەکەن ، بە ئاوارە ناوخۆییە گەڕاوەکان و ئەو خانەوادانەشەوە کە گومان دەکرێت پەیوەندییان بە داعشەوە هەبووبێت کە بەهۆی کار و بڕیارەکانی خزم و ناسیاوەکانیانەوە، کە چیتر پەیوەندییان پێوە نەماون، نەهامەتییەکى زۆریان چەشتووە.