پشتیوانیکردنی لاوان لە عێراقدا بۆ ئەوەی ببنە هاوڵاتییەکی چالاک و بەشدار لە کارە لەپێشینەکانى بەرنامەی نەتەوە یەکگرتووەکان بۆ پەرەپێداندا. دوابەدوای دروستکردنى کۆمەڵەکانى لاوان و ژنان بۆ بە ئاشتی بە سەرکەوتوویی و دەستنیشانکردنی پاڵەوانەکانی پێکەوەژیانی کۆمەڵایەتی لە ساڵی 2020 دا، بەرنامەی نەتەوە یەکگرتووەکان بۆ پەرەپێدان قۆناغی دووەمی بەرنامەی بنیادنانی توانستی بەگەڕخست بەمەبەستى بەهێزکردن و هاندانی ئەو کەسانەى دەتوانن گۆڕانکارى ئەنجام بدەن لە عێراقدا.

بە پشتیوانی حکومەتەکانی دانیمارک و ئەڵمانیا و بە هاوبەشی لەگەڵ ڕێکخراوی کوردستان بۆ چاودێری مافەکانی مرۆڤ، زنجیرەیەك وۆرکشۆپی تایبەت بە بنیادنانی توانست بۆ بەشداربوانی ئەنبار و بەغداد و دیالە و کەرکوک و نەینەوا و سەلاحەدین سازکرا. وۆرکشۆپەکان لە 25 تا 27 ی تشرینی دووهەمدا بوون و ڕووماڵی ئەو بابەتانەیان دەکرد کە پەیوەندیدییان بە دیزاینی دەستپێشخەری وەکو شیکاری ڕەگەزى و ململانێ و ڕێگریکردن لە توندڕەوی و توندوتیژییەوە هەبوو. گەڕى دووهەمی دانیشتنەکان لە 2 تا 4 ی کانونی یەکەم دەبێت بۆ ڕووماڵکردنی جێبەجێکردنی دەستپێشخەری و بەڕێوەبردنی گوژمە و کاری تیم و سەرکردایەتی. دوای ڕاهێنانەکان، لاوان و ژنانی کۆمەڵانی ئاشتی و پاڵەوانانی ناوخۆیی هەڵدەستن بە جێبەجێکرنى دەستپێشخەریەکان لە ناوچەکانیاندا کە سەرنج دەخەنە سەر بنیادنانی ئاشتی و بەرزکردنەوەی هوشیاری بەرامبەر مافەکانی ژنان و یارمەتیدانی کۆمەڵگا دۆخناسکەکان لە پڕکردنەوەی پێویستییە بنەڕەتیەکانیاندا.