لە پاش ڕزگارکردنی ئەو ناوچانەى کەوتبوونە ژێر چەپۆکی رێكخراوی دەوڵەتی ئیسلامیی لە عێراق وشام (داعش) لە خاکی عێراقدا، ژێرخانی ئەوناوچانە بنیاتنرانەوە و پەیوەندییەکان بوژێندرانەوە، بەڵام هێشتا بێمتمانەیی و نەبوونی دڵنیایی لە نێوان زۆرێك لە گروپەکانی دانیشتوواندا هەر ماون بەهۆی پاشماوەی ئەو ململانێیەوە کە زۆری خایاند.

بۆ چارەسەرکردنی ئەم لەبەریەکهەڵوەشانە کۆمەڵایەتییە، بەرنامەی نەتەوە یەکگرتووەکان بۆ پەرەپێدان لە عێراق بە هاوبەشی لەگەڵ ڕێکخراوی فریاکەوتنی میللیی وهاریکاری هاوپەیمانی کەمینەکانی عێراق وتێکۆشان لە پێناو مرۆڤایەتییدا، بەتواناکردن وبەشداریپێکردنی دەسەڵاتە خۆجێییەکان ومیکانیزمە کۆمەڵایەتییەکان بەمەبەستى پتەوکردنی پێکەوەژیانی کۆمەڵایەتی لە دوانزە ناوچەى نەينەوا و کەركوكدا، بە پشتیوانیی هۆڵەندا، ئەنجامدەدات.

ئامانجی سەرەکی پڕۆژەکە بریتییە لە پشتگیریکردنی دەسەڵاتە خۆجێییەکان وکارمەندانی ئاساییش وپۆلیس وپۆلیسی کۆمەڵگەیی بەو سەرچاوانەی پێویستن بۆ چارەسەرکردنی ناکۆکییەکان وپتەوکردنی متمانە ویەکڕیزی کۆمەڵگا و بەتوانابوونیان بۆ ئاسانکردن وهاندانی کاری پێکەوەیی لەگەڵ تاکەکانی کۆمەڵگادا. هەروەها ئەو پڕۆژەیه کە ماوەی ساڵێك دەخایەنێت، دانانی پرۆگرامێکی خوێندن بۆ بنیاتنانی ئاشتی بەرنامەى پەرەپێدانى توانستەکان بۆ دەسەڵاتە نێوخۆییەکان ومیکانیزمە کۆمەڵایەتییەکان ومیوانداریکردنی دیدارەکانی دیالۆگ ونێوەندگیری کۆمەڵایەتى وئاسانکاری بۆ گەیشتن بە دە ڕێککەوتنی ناوخۆی بۆ ئاشتی لەخۆدەگرێت.