Locations
بەرنامەی نەتەوە یەکگرتووەکان بۆ پەرەپێدان خۆشحاڵە بە ڕاگەیاندنی بانگەوازێک بۆ بەشداریکردن لە:
وۆرکشۆپەکانی ڕۆژنامەگەریی بنکۆڵکاری سەبارەت بە دادپەروەریی ژینگەیی لە عێراقدا
📍 ٢٠ – ٢٢ی حوزەیرانی ٢٠٢٦ | هەولێر
ئایا تۆ:
- ڕۆژنامەنووسیت و خاوەنی ٢ بۆ ٥ ساڵ ئەزموونی پیشەییت؟
- کارمەندێکی پیشەییت لە بوارەکانی میدیای چاپکراو، ڕادیۆ، تەلەفزیۆن، یان میدیای دیجیتاڵی لە عێراق؟
- ڕۆژنامەنووسێکی سەربەخۆیت و خاوەنی پێشینەیەکی سەلمێنراوی لە بوارى كارى میدیا و بڵاوکراوە رۆژنامەوانییەکان؟
ئەگەر وەڵامەکەت بەڵێیە، کەواتە ئەم وۆرکشۆپە بۆ تۆیە!
دەربارەی ڕاهێنانەکە
ئەم ڕاهێنانە سێ ڕۆژییە، کە لەژێر ناونیشانی "دادپەروەریی ژینگەیی لە سەردەمی دیجیتاڵیدا" بەڕێوەدەچێت، دیزاین کراوە بۆ ئامادەکردن و ڕاهێنانی ئەو ڕۆژنامەنووسانەی کە لە سەرەتای کاروانی پیشەییاندان بەو کارامەییە بنەڕەتییانەی کە پێویستن بۆ ئاشکراکردنی نادادییە ژینگەییەکان و بەرهەمهێنانی ڕاپۆرتە کاریگەرەکان بە پشت بەستن بەو بەڵگانەی کە خزمەت بە بەرژەوەندیی گشتی دەکەن.
ئەم ڕاهێنانە پێشکەش دەکرێت لە چوارچێوەى پڕۆژەکەمان بۆ "بەرەنگاربوونەوەی گەندەڵی و بەرەوپێشبردنى دەستپێشخەرییەکانى ناوبژیوانی بۆ دادپەروەری ژینگەیی (ACAI II)" کە لەلایەن یەکێتی ئەوروپاوە کۆمەکى داریی بۆ دابین دەکرێت. ئامانجی پڕۆژەکە بەهێزکردنی لێپرسینەوە و شەفافییەتە لە عێراقدا، ئەوەش لە ڕێگەی پاڵپشتیکردنی ڕۆژنامەنووسان بۆ گۆڕینی بیرۆکەکانیان بۆ ڕاپۆرتی بنکۆڵکاری بە کوالێتیەکى بەرز کە خزمەت بە دیالۆگی گشتی و داڕشتنی سیاسەتەکان دەکات.
ڕاهێنانەکە لەلایەن شارەزایانی نێودەوڵەتییەوە کە خاوەن خەڵاتى بەرزن لەم بواردا، پێشکەش دەکرێت.
بەشداربووان فێری ئەم بابەتانە دەبن
- بنەما سەرەکییەکانی ڕۆژنامەگەریی بنکۆڵکاری
- پەرەپێدانی چیرۆکی ڕۆژنامەوانی: گواستنەوە لە چەمکێکەوە بۆ گریمانەیەکی تۆکمە
- ڕاستکردنەوەی زانیارییەکان و تەکنیکە پێشکەوتووەکانی پشتڕاستکردنەوە
- ئەخلاقیاتی ڕۆژنامەگەری و ڕاپۆرتکردنی بونیادنەر
- بنەماکانی شیکردنەوەی داتا و شوێنپێهەڵگرتنی زانیارییە چەواشەکارییە ژینگەییەکان
- بەرهەمهێنانی ڤیدیۆی بنکۆڵکاری کورت و بە پشت بەستن بە ڕاستییەکان
چۆنیەتی پێشکەشکردنی داواکاری
ئەو خوازیارانەی ئارەزووی بەشداریکردن و خۆتۆمارکردن دەکەن، پێویستە داواکارییەکانیان لە ڕێگەی ئەم لینکەى خوارەوە پێشکەش بکەن، دوا وادە بۆ پێشکەشکردن بریتیە لە ڕێکەوتی ١٧ی ئایار، کاتژمێر ١٧:٠٠ بە کاتی بەغدا.