Сессия Орталық Азияның экономика және қаржы министрліктерінің, халықаралық қаржы институттарының өкілдерін және даму серіктестерін аймақтың өршіл ҰДАЖ 3.0 қаржыландыру бойынша диалог құруға жинады. Пікірталастар климат саласын қаржыландырудағы кедергілерді жоюға, инновациялық қаржы құралдарын зерттеуге және өзара келісілген инвестициялық стратегияларды ілгерілетуге арналды. Сессия сонымен қатар климат саласын қаржыландыру қажеттіліктерін құрылымдауға және 2026 жылы БҰҰ жетекшілік ететін Аймақтық климат саммитіне аймақтық инвестициялық ұсыныс әзірлеуге бағытталды. 

Биыл климат саласында жаһандық ынтымақтастықтың басты негізі болып табылатын Париж келісіміне он жыл толады. Сөз сөйлеушілер болашақ ҰДАЖ жай ғана саяси мәлімдемелер емес, әлеуметтік-экономикалық дамумен үндес нақты инвестициялық жоспарлар болуы тиіс екенін атап өтті. Диалог барысында сонымен қатар дамушы елдер үшін климат саласын қаржыландыруды кеңейту үшін ауқымды бастама болып табылатын, құны 1,3 трлн АҚШ долларын құрайтын Баку-Белен жол картасы талқыланды.

Сессия Орталық Азиядағы аймақтық ынтымақтастықтың әлеуетіне ерекше тоқталып, бытыраңқы іс-шаралардан ұзақ мерзімді, нәтижеге бағытталған серіктестікке ойысуға айқын белгі берді. Сессияның нәтижелері КС30 қарсаңында Орталық Азиядағы анағұрлым үйлестірілген өзара іс-қимыл негізін қалауға көмектесе алады, осылайша адамдар үшін де, ғаламшар үшін де климатқа төзімді болашақ құру жөніндегі жаһандық күш-жігерге үлес қосады.

БҰҰДБ бүгінгі күннің өзара байланысты климат және даму мәселелерін шешу үшін үкіметтерге қолдау көрсетуде маңызды рөл атқаруды жалғастырып жатыр. Қазақстан климаттық күн тәртібін ілгерілету бойынша нақты әрекеттер мен өңірлік ынтымақтастық арқылы көшбасшылық танытып отыр. Үкіметпен және басқа да мүдделі тараптармен серіктестікте БҰҰДБ экожүйелерді қалпына келтіру және энергия тиімділігін қамтамасыз етуден бастап орнықты азық-түлік жүйелерін қалыптастыру және ұлттық бейімделу жоспарын әзірлеуге дейін негізгі салаларда түрлі жобаларды жүзеге асырады.