LocationsЖезқазғандағы стратегиялық дөңгелек үстел Ұлытау өңірінің орнықты дамуы мен туризмінің даму бағыттарын ұсынды
2025 ж. 29 August
БҰҰДБ Жезқазғанда өткен стратегиялық дөңгелек үстел барысында Ұлытау өңірінің 2035 жылға дейінгі әлеуметтік-экономикалық орнықты дамуы мен туризмді дамыту бойынша ұсынымдарын ұсынды. Іс-шара Қазақстан Үкіметі мен БҰҰДБ-ның «Орнықты даму: жаңадан құрылған өңірлердегі өңіраралық теңсіздікті еңсеру» атты Өңірлік бағдарламасы аясында ұйымдастырылып, ұлттық және өңірлік деңгейдегі мүдделі тараптарды даму басымдықтарын үйлестіру және инклюзивті өсудің жаңа мүмкіндіктерін қарастыру үшін біріктірді. Дөңгелек үстелге жергілікті атқарушы органдардың өкілдері, оның ішінде Ұлытау облысының әкімі мен мәслихат депутаттары қатысты.
«Ұлытау — тек табиғи ресурстарға бай өңір ғана емес, сонымен қатар Қазақстан үшін тарихи және мәдени тұрғыдан ерекше маңызға ие. Өңірдің әлеуетін жергілікті қауымдастықтардың игілігі үшін ашу — барлық деңгейдегі бірлескен жұмысты талап етеді», — деді БҰҰДБ-ның Қазақстандағы Тұрақты өкілі Катаржина Вавьерниа.
2022 жылы құрылған Ұлытау өңірі ұзақ мерзімді дамуына кедергі келтіретін бірқатар құрылымдық қиындықтарға тап болып отыр. Өңір экономикасы негізінен тау-кен және металлургия өнеркәсібіне тәуелді, бұл салалар жалпы қосылған құнның 75 пайызын құрайды. Экспорттың негізгі бөлігін мыс пен басқа да металл кендері құрайды.
«Бұл құжат өңіріміздің әлеуметтік-экономикалық жағдайына жан-жақты талдау жасап, болашақ даму үшін маңызды ұсынымдарды қамтиды деп есептеймін», — деді Ұлытау облысының әкімі Дастан Рысбеков.
Әлеуметтік-экономикалық қажеттіліктерді бағалау барысында өңірдің өндіруші салаларға шамадан тыс тәуелділігінің тәуекелдерімен қатар, оның бірегей мәдени және табиғи мұрасын тиімді пайдалану мүмкіндіктері де анықталды. БҰҰДБ жергілікті билік оргаларымен, мәслихаттармен, қауымдастықтармен және даму серіктестерімен сындарлы диалог орнатуға қолдау көрсетуді көздейді.
