Өңірден 55 жеңімпаз Еуропа мен Орталық Азияда гендерлік теңдікті ілгерілету бойынша BOOST жаңа шоғырына қатысады.

Еуропа мен Орталық Азиядағы БҰҰДБ қолдауымен Коч холдингі мен Словакия Республикасының Қаржы министрлігі қаржыландыратын BOOST әлеуметтік әсер инновацияларын жеделдетудің өңірлік бағдарламасы BOOST: Women Innovators бағдарламасына қатысу үшін барлығы 55 жеңімпазды іріктеп алды. Бағдарлама цифрлық экономикада өркендеу мен ілгерілеу мақсатында әйелдер мен қыздарды қолдау үшін технологиялардың күшін пайдаланатын, барлық өңірдің инновациялық идеялары бар инноваторларды біріктіреді, байланыстырады және кеңейтеді.  

Мемлекеттік және жеке серіктестермен бірлесіп құрылған BOOST Women Innovators жобасы инновацияны төрт негізгі тақырыптық бағытта ұсынуға шақырады: әйелдер және цифрлық технологияларға қолжетімділік және оларды пайдалану, цифрлық экономика мен STEM индустриясындағы әйелдер, әйелдер және деректер және технологиялық инновацияларды ынталандыратын әйелдер. Цифрлық трансформация және жаңа технологиялар бізді алға жылжытып жатқан шақта, бұл бастама әртүрлі саладағы әйелдердің әлеуметтік-экономикалық мүмкіндіктеріне әсер ететін гендерлік цифрлық алшақтықты жоюға бағытталған.

«Біздің инновацияға деген үндеуімізге жауап өте әсерлі болды. Біз алған инновацияларда көрсетілген тапқырлық пен әсердің үлкен әлеуеті біздің өңірдің өзгерістерді іске асыруға дайын адамдарға толы екендігіне сенімімізді растайды және бізге оларды байланыстыру, біріктіру және кеңейту қажет. Біз BOOST қоғамдастығына қосылу үшін перспективалы жаңа шоғырды таңдағаны үшін негізгі серіктестер мен инновация сарапшыларынан тұратын бағалау кеңесіне ризамыз. Біз бұл инновациялардың біздің өңірде гендерлік теңдікті ілгерілетуге қалай ықпал ететінін көруді асыға күтеміз», — деді БҰҰДБ-дағы BOOST бағдарламасының жетекшісі Рикард Шёстранд.

2022 жылдың ақпан айында конкурс жарияланғаннан кейін Еуропа мен Орталық Азияның 20-дан астам елдері мен аумақтарынан әйелдер басқаратын стартаптар, шағын және орта кәсіпорындар, коммерциялық емес ұйымдар мен академиялық мекемелерден 300-ге жуық өтінім келіп түсті.

Қазақстан өңірдегі өтінімдер саны бойынша екінші ел болды - жалпы алғанда 27 ұйым бағдарламаға қызығушылық танытты және олардың үшеуі іріктеудің барлық кезеңдерінен өтті:

- Connect-Ed Kazakhstan жобасы халықтың осал топтарындағы барлық жастағы адамдарды цифрлық сауаттылыққа оқыту арқылы Қазақстанда цифрлық теңдікке қол жеткізуге бағытталған.

-  Girls Power Fund жобасы бағдарламалауға, пайдаланушы интерфейсінің дизайнына және веб-әзірлеуге үйрету арқылы STEM-дегі жасөспірім қыздардың құқықтары мен мүмкіндіктерін кеңейтуге бағытталған.

- Spica Technology жобасы босанғанға дейінгі және босанғаннан кейінгі кезеңдерде әйелдерге арналған инновациялық цифрлық платформаны құруға бағытталған.

Бағдарлама екі тректен тұрады: 

- 1-трек гендерлік цифрлық алшақтықты еңсеруге арналған техникалық инновациялары бар Еуропа мен Орталық Азияда жұмыс істейтін әйелдер басқаратын ұйымдардың өтінімдері үшін ашық. 1-трек 223 өтінім алды, олардың 45-і іріктелді (22 стартап, 3 ШОК, 5 әлеуметтік кәсіпорын, 10 коммерциялық емес ұйым және 2 академиялық мекеме).

- 2-трек Түркияда тіркелген және кез келген салада инновация бойынша жұмыс істейтін әйелдер стартаптарының өтінімдері үшін ашық. 2-трек 65 өтінім алды, олардың 10-ы іріктелді. Іріктелген қатысушылар:

Бүкіл Еуропа мен Орталық Азиядан 55 инноватор BOOST: Women innovators жеделдету жөніндегі өңірлік бағдарламаға қатысады және өз инновацияларын әзірлеу, қайта ойластыру және масштабтау үшін әлемдік деңгейдегі тренингтер мен тәлімгерлікке қол жеткізеді, сондай-ақ акционерлік капиталдан бос капитал түрінде $10,000 үшін күресу мүмкіндігіне ие болады. Бұл инновациялар үздік және инклюзивті болашақ үшін негіз қалайтын жалпы өңірлік портфельдің бір бөлігі болады. 

Жоба туралы: 

BOOST - БҰҰДБ Еуропа мен Орталық Азияда іске асыратын тұрақты әсер ету инновацияларын жеделдетудің өңірлік бағдарламасы. BOOST жобасы 2020 жылы COVID-19 пандемиясының әлеуметтік-экономикалық салдарына жауап ретінде құрылды және бүкіл өңірдегі әлеуметтік инноваторларды 2030 жылға дейінгі Тұрақты даму күн тәртібін іске асыруды жеделдету үшін ынталандыруға ұмтылады.

BOOST бастамасын өңірдегі және одан тыс жерлердегі серіктестер, соның ішінде Коч холдингі, Словакия Республикасының Қаржы министрлігі қаржыландырады және қолдайды. BOOST сонымен қатар жаңа BOOST шоғыры үшін тиімді бағдарламаны қамтамасыз ету үшін өсіп келе жатқан серіктестер тізімінің арасында STEM4ALL, Startup Grind, KWORKS, ImpactAIM және Digital X-пен ынтымақтасады.