بە پشتیوانیی حکومەتی ژاپۆن، لە 17 تا 29 ی ئەیلول، زنجیرەیەك وۆرك شۆپ بۆ نزیکەی 200 بەشداربوو لە ناوچەكانی ڕوممانە و قائیم لە ئەنبار وئەلمحەلەبیە لە نەینەوا و بێجی وشەرگات و دووزخورماتوو لە سەڵاحەدین بەڕێوەچوو.

هەر پارێزگایەك ڕاهێنانی چڕوپڕیان وەگرتووە لەسەر نێوەندگیریی و گۆڕینی ململانێکان لە ڕێی دوو وۆرك شۆپەوە، یەکەمیان تایبەت بوو بە ئەندامانی جڤاك وسەرکردە ناوخۆییەکان وژنانی سەرکردە، وئەوی تریان بە بەشداریی دەسەڵاتە ناوخۆییەکان و لیژنەکانی ئاشتیی ناوخۆیی بوو بۆ بنیاتنانی تواناکانیان لە هاندانی یەکخستنەوە و ڕێگریکردن لە توندڕەویی وتوندوتیژیی . ئەم رێبازە دوولایەنەیە دڵنیایی دەدات لەوەی هەموو ئەو چین وتوێژانەی کۆمەڵگا کە بەشدارن لە پرۆسەی یەکخستنەوە لە جڤاکەکەدا ئەو ڕاهێنان و بنیاتنانی توانایە وەردەگرن کە پێویستیانە.