ڕاگەیاندن ڕۆڵێکی گرنگ دەبینێت لە بنیادنانی ئاشتییدا لەو وڵاتانەدا کە لە پاش ململانێ دەبووژێنەوە وەکو عێراق. لە کاتێکیشدا دەکرێت ئەوەی لە خشت وچیمەنتۆ دروستکرابوو بنیادبنرێتەوە لە ڕووی ماددییەوە، وەلێ زۆر کات بەشگەلێکی کۆمەڵگا بە دابەشکراویی دەمێننەوە بەهۆی هێڵە نەبینراوەکانەوە. لەمەوە بەرنامەی نەتەوە یەکگرتووەکان بۆ پەرەپێدان (UNDP) لە عێراق قۆناغی دووەمی پڕۆژەی ڕۆژنامەگەریی هاووڵاتیی خستەگەڕ بۆ برەودان بە بەشداریی ڕۆژنامەگەریی لە پێکەوەژیانی کۆمەڵایەتییدا وتواناسازیی بۆ زیاتر لە 200 گەنجی ڕاگەیاندنکار لە پارێزگاکانى ئەنبار وبابل وبەغداد وبەسڕە وزیقاڕ ودیالە وکەربەلا وکەرکوك ونەجەف ونەینەوا وسەلاحەدین وپارێزگاکانی هەرێمی کوردستانی عێراق. ئامانجی ئەم پڕۆژەیە کە بە هاوبەشیی لەگەڵ ڕێکخراوی گەشەپێدانی مەدەنییەت (CDO) وەك هاوبەشێکی ناوخۆیی و بە دارییدان لەلایەن حکومەتی ئەڵمانیاوە بەگەڕخراوە، بریتییە لە دابینکردنی کارامەییە تەکنیکییەکان بۆ ڕاگەیاندنکارانی گەنج وبنیادنانی تواناکانیان لە عێراق پەیوەست بە بنەماکانی ئەو ڕۆژنامەگەرییەی هەست بە بەرپرسیاریتیی دەکات لە ڕووی ئیتیکییەوە وگوتاری کینەبەرایەتیی وبنیادنانی ئاشتیی. 

وەك بەشێکی سەرەکیی پڕۆژەکەش و لە چوارچێوەی دوازدە گفتوگۆی کراوە ودانیشتنەکانی گەنگەشەکردندا بۆ نوێنەرانی دەزگاکانی ڕاگەیاندن وئەکادیمیستان ولێپرسراوان وچالاکوانانی پەیوەندیدار، بواری راگەیاندن لەعێراق وئەو دەرفەتانەی ڕەخساون تیایدا وکاریگەریی لەسەر پێکەوەژیانی کۆمەڵایەتیی وئاشتبوونەوە لە عێراقدا تاووتوێ دەکرێن. لەوەو دوا سوود وەردەگیرێت لە گەنگەشەکانی نێو ئەم گفتوگۆ کراوانە بۆ دەرچوواندنی ڕاپۆرتی کۆتایی کە بە تێروتەسەلی ئەو بنەمایانە ڕوون دکاتەوە کە دەبێت ڕەچاوبکرێن لەگەڵ ئەو ڕاسپاردانەدا کە تاووتوێ کراون.