بەتواناکردنی لاوان وژنان بۆ ئەوەی ڕۆڵێکی گرنگ بگێڕن لە کۆمەڵگەکانیاندا بنەمایەکی سەرەکییە بۆ بەدییهێنانی تەبایی لە نێوان گروپەکاندا. بەرنامەی پێكەوەژیانی كۆمەڵایەتیی بەرنامەی نەتەوە یەکگرتووەکان بۆ پەرەپێدان لە عێراق بایەخ چڕدەکاتەوە لەسەر دابینکردنی ئامراز بۆ لایەن و ڕابەرە کاراکانی ناو کۆمەڵگە بۆ ڕێگرتن لە گرژیی وئاڵۆزییە جڤاکییەکان لە ڕێی تواناسازیی بۆ پێکەوەژیانی کۆمەڵایەتیی وچارەسەرکردنی ناکۆکییەکان وشێوازەکانی نێوەندگیریی. لە کۆتایی مانگی شوبات / فێبرایەردا، زیاتر لە ١٣٠ ئەندام لە کۆمەڵەکانی لاوان و ژنان بۆ ئاشتیی لە ئەنبار و دیالە وکەرکوك ونەینەوا وسەلاحەددین بە پشتیوانیی بەرنامەی نەتەوە یەکگرتووەکان بۆ پەرەپێدان لە عێراق، لە وۆرك شۆپێکدا کۆبوونەوە کە جەختیکردەوە لەسەر پێكەوەژیانی كۆمەڵایەتیی. لاوان وژنان گەنگەشەیان کرد لەسەر بەشدارییەکانی لاوان و ژنان لە بنیاتنانی ئاشتییدا لە میانەی ڕاهێنان پێکردنیان لەسەر پەیوەندیی وکاری خۆبەخشیی وسەرکردایەتیی. بە کۆی گشتیی پشتییوانیی دەکرێت لە دە کۆمەڵە لە کۆمەڵەکانی لاوان و ژنان بۆ ئاشتیی لەو پێنج پارێزگایەدا بە كۆمەكییەكی داریی دەشتكراوە لەلایەن حکومەتی ئەڵمانیاوە.

ئەم وۆرك شۆپە دەرفەتێکی پڕ بایەخی ڕەخساند بۆ لاوان و ژنان بۆ پەیوەندییکردن وهاوبەشیی پێکردنی پلانەکانیان  ووانە فێربووەکان وئامانجەکانی پاشەڕۆژیان. لە مانگی ئادار، کۆمەڵەکان زیاتر لە پەنجا دەستپێشخەری ئاشتیی کۆمەڵگەیی جێبەجێ دەکەن، کە بەپێی پێویستییە دیارییکراوەکانی پارێزگاکانیان نەخشەیان بۆ داڕێژراوه . ئەو سەرکردانەی  ئاییندە پێکەوە هاوبەشییان کرد بە بیروبۆچوونەکانیان سەبارەت بەو ئادگار و بەهایانەی دەبنە هۆی هەڵکەوتنی ڕابەرێکی گەورەی کۆمەڵگەیی.