Indlela yokuphendula esisebenzelana labo

Ulokukhathazeka ngomsebenzi we-UNDP eZimbabwe?
Sikhona ukuze silalele. Nxa ucabanga ukuthi umsebenzi we-UNDP ulempawu ezimbi zomphakathi iloba zokuhlala, ungaveza lezimpawu ngenqubo yethu yokufaka izikhalazo.

Ngubani ongafaka izikhalazo?
Iloba ngubani othinteka emsebenzini we-UNDP eZimbabwe uvumelekile ukufaka isikhalazo. Lokhu kugoqela  umuntu oyedwa loba umphakathi ohlangana  lempawu ezimbi. Ungenelisa njalo ukuthi ube lommeli okuhambisela isikhalazo sakho.

Indlela yokuhambisa Isikhalazo

Ukuhambisa isikhalazo, ungathumela i-imeyili ehovisini yethu yezikhalazo zomsebenzi ku-stakeholder.zim@undp.org.  I-imeyili yakho kufanele igoqele imniningwane elandelayo:

• Imininingwane yakho yokuxhumana
• Ukuthi ungathanda yini ukuhlala ungaziwa ngesikhathi sokuhlola kokuqala (awukwazi ukuhlala ungaziwa kuyo yonke ingqubo yokuxazulula)
• Ibizo lendawo yomsebenzi we-UNDP (nxa ulazi)
• Indlela okholelwa ngayo ukuthi umsebenzi we UNDP ukuthinta ngendlela embi.
• Inyathela olithetheyo ukuxazulula isikhalazo.
• Ukuthi uyafisa na ukusebenza labanye ukuze uthole isixazululo.
• (Nxa umuntu wesithathu ehambisa isikhalazo) Kufanele kuvele ubufakazi bokuthi usekelwa ngumphakathi.

Yiziphi izikhalazo ezamukelekayo?

Isikhalazo siyamukeleka ngenqubo yethu yokufaka izikhalazo nxa:

• Siphathelane lomsebenzi owenziwa loba okhangelelwe okwenziwa yi-UNDP.
• Sichaza ukuthi umsebenzi we-UNDP udale, iloba ungabanga ngayiphi indlela, imithelela engemihle kwezenhlalo, ezomnotho, iloba ezemvelo.
• Siveza imizamo esiyenziwe ukuxazulula udaba ngaphambilini, ngaphandle nxa kukhona ukukhathazeka ngokuvikeleka kokusebenzisa indlela ezikhona zokuhambisa izikhalazo.

Kuyini okungamukelwayo?
Asikwazi ukukhangelana lokulandelayo:

• Izikhalazo ezifuqwa yikungathembeki noma lulunya.
• Izikhalazo eziphathelane lokuqhatsha kweUNDP  
• Izikhalazo ezingaphathelananga lemisebenzi ye-UNDP, imisebenzi lapho i-UNDP ingaphathelananga lodaba lwakhona, iloba lapho i-UNDP engasela sabelo khona ngenxa yokuphela komsebenzi obusenziwa
• Izikhalazo eziphindaphindwayo ngaphandle nxa kukolwazi olutsha olubambekayo.

Xhumana Lathi
Ukuthi uthole ulwazi kumbe nxa ufuna ukuthumela isicelo:
Bhala incwadi uyithumele ku-imeyili:  stakeholder.zim@undp.org
Tshaya ucingo ku:  +263 242 33 88 36 - 44, +263 772 134068-9
Vakatsha ku: Block 10, Arundel Office Park, Norfolk Road, Mount Pleasant, Harare, Zimbabwe.