Балалар мен жасөспірімдерге арналған «Қар барысын сақтайық!» сурет конкурсының қорытындылары шығарылды. Биыл конкурсқа Қазақстанның символы – қар барысы туралы 400-ден астам шығармашылық жұмыс келіп түсті.

Шығармашылық бастаманың ұйымдастырушылары Біріккен Ұлттар Ұйымының Даму бағдарламасы (БҰҰДБ) Қазақстан Республикасы Экология, геология және табиғи ресурстар министрлігінің Орман шаруашылығы және жануарлар дүниесі комитетімен (ҚР ЭГТРМ Орман шаруашылығы және жануарлар дүниесі комитеті) бірлесіп, Жаһандық экологиялық қордың (ЖЭҚ) қолдауымен болып табылады.

Биыл конкурс 2021 жылғы 27 қыркүйек пен 23 қазан аралығында өтті және 23 қазанда бүкіл әлемде атап өтілетін Халықаралық қар барысы күнінің атап өтілуіне орайластырылды. Конкурсқа Шығыс Қазақстан облысы – қар барысы мекендейтін өңірде тұратын 7 жастан 16 жасқа дейінгі балалар мен жасөспірімдер қатысты. Ұйымдастыру комитетіне облыстың барлық бұрыштарынан барлығы 400-ден астам жұмыс келіп түсті, ең көп жұмыс Үржар, Катонқарағай, Күршім, Аягөз, Бородулиха аудандарынан және Семей, Серебрянск, Алтай қалаларынан келіп түсті. Конкурс шарты бойынша қатысушылар қар барысы немесе жыртқыш экожүйесі бейнеленген, кескіндеме немесе графика жанрында орындалған өз суреттерін жіберуге тиіс болды.

«Бүгінде қар барысының жойылу қаупі бар. Мұның басты себебі – адамның деструктивті және бақыланбайтын әрекеті, экожүйенің бұзылуы, браконьерлік және климаттың өзгеруі. Осындай бастамалар арқылы біз өскелең ұрпаққа қар барысының экологиялық құндылығын және оны табиғатымызда сақтап қалудың маңыздылығын жеткізе аламыз деп үміттенеміз. Біз балалардың конкурсқа белсенді қатысқандарын да жоғары бағалаймыз – жұмыстар Шығыс Қазақстанның әр бұрышынан келіп түсті, көптеген сапалы, эмоционалдық туындылар», - деді БҰҰДБ-дың биоалуантүрлілік саласындағы жобалар портфелінің менеджері Талғат Кертешев.     

Қатысушылардың жұмыстарын конкурстық қазылар алқасы бағалады, оның құрамына: БҰҰДБ жобасының сарапшысы Айман Омарбекова; фотограф, Қазақстан Білім және ғылым министрлігі Зоология институтының зоологы Салтөре Сапарбаев; тәуелсіз арт-куратор Ольга Веселова; тележүргізуші және блогер Айгүл Мүкей кірді.

«Конкурста біз шын мәнінде көптеген көркем жұмыстарды көрдік, біздің қатысушылар жас шамасына қарамастан, «Қар барысын сақтайық!» конкурсының тақырыбын жарқын түстер, бейненің графикалығы, мағыналық жүктеме және басқа да көркемдік тәсілдер арқылы беруге тырысты. Жеңімпаздарды таңдау қиын болды, өйткені әр жұмыстың өзіндік ерекшелігі бар. Жұмыстардың көп саны өскелең ұрпақтың ирбистің тағдырына бей-жай қарамайтынын көрсетеді. Бұл өте қуантады», - дейді тәуелсіз арт-куратор Ольга Веселова.

Жұмыстар жұмыс мазмұнының конкурс тақырыбына сәйкестігі, көркемдік шеберлігі, ойының бірегейлігі, конкурстық жұмыстарды ресімдеуге қойылатын талаптарға сәйкестігі сияқты өлшемшарттар бойынша бағаланды.

Дауыс беру қорытындысы бойынша орындар келесідей бөлінді:               7-12 жас санатында 1-ші орын Күршім ауданынан Кусаинова Саидаға, 2-ші орын Өскемен қаласынан Горковенко Миленаға, 3-ші орын Серебрянск қаласынан Хаберов Расулға берілді. 13-16 жас аралығында 1-ші орынды Аягөз қаласынан Зарина Залимжанова, 2-ші орынды Бородулиха ауданының Дмитриевка селосынан Анна Утебекова, 3-ші орынды Өскемен қаласынан Александра Кискина иеленді.

Сондай-ақ, қазылар алқасы Катонқарай ауданынан келген Мұсақан Шынардың жұмысын атап өтіп, ол арнайы сыйлыққа ие болды.

«Қар барысын сақтайық!» конкурсының жеңімпаздары дипломдармен және бағалы сыйлықтармен марапатталады.

«Қар барысын сақтайық!» - жұртшылықтың назарын Қазақстанда қар барысының популяциясын сақтап қалу және Қызыл кітапқа енген жануарлардың жойылып кету қаупін азайту бойынша белсенді шаралар қабылдау қажеттігіне аударуға бағытталған экологиялық-ағартушылық іс-шара.

Қар барысы Халықаралық табиғатты қорғау және Қазақстан одағының Қызыл кітабына енгізілген. Қазіргі уақытта Қазақстандағы қар барысының жалпы саны 135-170 дарақты құрайды. 2018 жылдан бастап БҰҰДБ Жаһандық экологиялық қордың қаржылық қолдауымен Қазақстандағы қар барысын сақтау және зерттеу бойынша жобаны жүзеге асыруда.